誰是老闆 (Closed)

星期日的9點半早餐時段，差不多爆場羅宋雜菜湯 $26 多料，有薯仔、紅蘿蔔、蕃茄及椰菜，材料十足，但味道偏淡特別提及羅宋湯非用牛肉，是用鮮豬肉碎，非常細心，因為也有不少濕疹、敏感及注重皮膚人士，都不吃牛肉的，湯料裏也不乏發現肉碎轉拉麵+$4 雖不是即食面，但有鹼水味熱杏仁霜味濃水滾

呢間以為佢係一間普普通通嘅茶餐廳，原來都好多人幫襯，中午12:30去到已經坐滿晒，佢嘅午餐有好多款，每日10幾款都應該走唔甩，有中式蒸飯同炒粉麵、日式大碗飯同拉麵、鐵板扒餐、泰式冬陰公等等，花多眼亂，樣樣都好似好吸引咁。最後我揀左泰式魚餅拼香茅雞翼冬陰公米線，一上菜見到佢嚇左一嚇，成碗野又紅又橙，好驚會好辣，飲一啖湯，好正呀！佢係好香但唔太辣果種，我飲左好多湯，碗米線啲餸都好多呀，有3塊魚餅、2隻雞翼、3舊豆卜同蕃茄，魚餅同雞翼都好食，豆卜索左汁有驚喜！友人話佢啲炒粉麵好食，等我下次又試下先！

今日係香工血拼完畢，當然要到誰是老闆整份下午茶餐！一坐底急不及待即刻拎份下午茶menu，決定要叫煙肉芝士焗薯角沙律+熱奶茶！*誰是老闆既茶啡真係無得輸等左10分鐘左右，有野食啦！雜果薯仔沙律正爆，又大份，好好味呢。蒜蓉多士又香又脆，讚焗薯角十分可口！奶茶香滑

今天放工後老公接收工，天氣還是凍凍的。老公問想食甚麼，我提議到一間以前常吃的茶餐廳。餐廳十分體貼，有閉路電視影住門外，方便食客睇車。店內待應姐姐和叔叔也十分有禮貌。今晚同老公各點了一客西冷牛扒和黑松露韮王鮮蝦炒蛋配靚仔一碗。店內播著電視，好耐無睇電視嘅我同老公摸不著頭腦看著三色台的膠劇，一邊吃飯，為這餐飯增添不少笑點😂

路過就見到有餐廳就入左去食喇 等左一陣就有位都好快下 叫左個肉醬意粉 肉醬都幾多下架 味道都唔錯 意粉就一般般啦 有D會焗個時焗濃左呀 可惜 不過都OK既 份量足夠架 都夠食既 凍奶茶都幾好飲!

路過就見到有餐廳就入左去食喇 等左一陣就有位都好快下 叫左個肉醬意粉 肉醬都幾多下架 味道都唔錯 意粉就一般般啦 有D會焗個時焗濃左呀 可惜 不過都OK既 份量足夠架 都夠食既 凍奶茶都幾好飲!

荔枝角尼度有2間誰是老闆,2間都係大大間,店內大部份係卡位,座卡位舒服好多~今日黎左長沙灣道嗰間~我地座左6人卡位,yeah~我點左午餐既豆腐斑腩飯配熱奶茶,尼個碟頭飯好大碟,飯多餸多,斑腩大大粒好厚肉,炸粉唔會太厚,我嗰碟仲額外多左叉燒~加料呀~wow!而奶茶有茶香順滑,仲用左鋼杯黎保温,唔會食完個飯杯飲品就凍哂,好貼心 ~而朋友仔就叫左蒸飯,侍應"遮遮"放到枱上,我地個個都嘩嘩聲,因為個蒸飯係用一個木盤呈上咖~個木盤好似日本浴場咁,個飯好夠熱,發出蒸氣,真係幻想自己去左浸浴(哈), 準備食既時候仲聽到擴播,蒸飯淨1,再聽到蒸飯售罄......見到朋友仔成個飯食哂就知係好味啦~下次都要早啲黎食個蒸飯selfie威威先!

真心平靚正每次去到荔枝角我都會好懷念呢個飯佢就係鰻魚炒飯！話說我已經食第三次下午茶超大碟香港版鰻魚炒飯粟米，粒粒豆，日本魚旦鰻魚粒其實我係最鐘意佢個汁，甜度適中，又唔鹹飯粒炒完熱辣辣幾十蚊超大碟，第一次下午茶都食唔哂各位去睇市集／荔枝角番工嘅朋友推介推介！👍

是日出咗去做嘢，好晏先返到公司，經過依間茶餐廳，所以入咗去醫肚。下午茶時段，我叫左咗一碟三文魚肉醬意粉同一杯凍奶茶。依碟肉醬意粉較細碟 ，相比之下，佢嘅肉醬都算多，可以俾我攪勻全碟意大利粉。意大利粉係白灼既。三文魚係一塊煙三文魚，冇咩特別，對於下午茶時段黎講都屬於大塊既。

路過食個飯，點咗好好了飯菜，等了很久，給我看到厨房把我要的晚餐煮好了，但穿紅衣束馬尾的姐姐，很久都沒理會，等到她有反應。。。都只是把我的晚餐拿到她身旁放下然後繼續打包外賣，前後超過五分鐘才有一位好心姐姐把晚餐拿到我面前， 這次真是 誰是老闆 ！？以這範圍有那麼多食店，不會再光顧這店了。

今日同老豆去食下午茶，見中式抄野幾多款式，我老豆又想食波羅油，咁就入左去，咁點餐就叫左波羅油，同佢個沙嗲牛河。點知落完餐轉個頭佢話個抄河要等4個字，咁我話唔等啦，我去第二間，佢跟手就攞個波羅油出黎話個餐出左，要我轉外賣，咁我去第二間食又點帶你個波羅油走尼。我問佢係咪姐係屈我比錢，佢就話唔係，不過唔好意思個餐出左。明擺明係想屈錢，我又肚餓咁為有比20蚊走。真係一肚氣，你老闆

舊時係呢頭返工都間唔中會幫襯... 兩個人簡簡單單又一餐~ 但餸上真係等得有點耐... 好在好食啫~華田脆爆脆脆就咁食唔太甜... 但唔算好食囉... 撈埋華田快飲就好 d... 杯華田上台既時候... 係... 熱... 既... 搞幾下... 冰都全溶... 姐姐好好再比我地一杯冰~酸甜蜜桃豬扒好味~ 唔太酸但好醒胃喎... 豬扒夠淋... 但等左好耐... 半碗飯都食左一半... 等佢上台...隔離兩邊台叫扒餐都仲快過我地...通菜豬頸肉煲微辣~ 豬頸肉份量都唔算少... 夠晒味... 餸飯一流~

話說有一日，班同事一路做一路講who is the boss, 搞到我仲以為又有新老闆添。 點知原來係講緊呢間餐廳 #誰是老闆#Who is the boss 一開始聽到呢個咁yo咁名，仲以為係一間好潮既茶餐廳。不過原來佢係一間基督教老闆所開設的餐廳，餐廳四周圍都佈置左唔同既金句，係一間好有意義既餐廳。 另外，場地方面都好舒適，沙發位好大好好坐，燈光亦都好光猛。 午餐每日都有稍稍的微調，今次我就叫左一個夏威夷汁豬扒飯配例湯。 首先，我就先講下個配湯啦，係廋肉配芥菜，味精味唔會太濃，味道尚叫做清淡，飲完清清地，潤下喉嚨。 然後，我就想介紹一下個正餐啦。夏威夷汁顏色橙橙黃黃，味道酸酸甜甜，非常開胃。豬扒煮得岩岩好，唔會煮到好老身，口感唔錯。另外，豬扒用左黑椒去烹飪，所以味道幾香PS 價錢唔貴，又可以支持下老闆 why not take a try

是日落大雨唔想行太遠，就近近地去左附近既茶記食晏。老實講，佢既午餐，4字頭，係附近黎講係中高，有少少偏貴。今次食左個椒鹽豬扒飯，附熱飲。幾快手，就有得食豬扒飯，份量都唔少，豬扒溫熱，咬落鬆軟，幾有椒鹽既香口味道，不俗。至於隨餐附送既熱飲，我飲左熱奶茶，就冇乜特別。總體黎講都算係一餐唔錯而又飽肚既午餐，雖然未必性價比最高。

同班朋友食中午，求其食下茶餐廳。入到去甘岩有位，就坐低，我食左個午市既雞扒飯。其實係啲冇乜可能有甩漏既飯，不過估唔到佢塊雞扒又幾大塊，仲可以話有啲驚喜。味道唔錯，幾香口，肉質就嫩滑既，飲個杯熱啡就一般貨色，但食落醫肚好味，都算係唔錯既.