富臨漁港囍臨門酒家 (Closed)

得閑就約屋企人飲個茶食個包，喺長沙灣飲茶選擇唔多，所以佢通常都會去到荔枝角富臨飲茶。來呢度飲中午茶，最好嘅時間係12點鐘前來拎位，如果唔係就有排等。菜遠蝦球伊麵＄98本身以為係炒麵，點知原來係湯麵，入邊嘅配料有大蝦，草菇配上伊面，蝦都幾大隻，蝦味欠奉但係都算彈牙，伊面煮得太淋。其他點心整體算係普通，皮蛋牛肉粥，牛肉較un，皮蛋就幾好食，飲得出加左啲味精。蘿蔔糕一夾起好容易散，入邊蘿蔔嘅比例唔算多，但煎得都算香口。魚茸釀茄子先走油炸起，再配上醬汁，朋友就話覺得幾好食。值得改善嘅地方係冷氣可以再加強，我哋食到一半嘅時候開始流汗，完全冇凍嘅感覺。