Video
Read full review
2024-05-10
117 views
今次我地去左大角咀探朋友，佢介紹話呢間小店好食叫我地去試下，上網睇見到佢既石燒好似都幾正，幾吸引咁，一於就試下佢🤪一坐低，店員已經同我地講有一個7秒啤酒大獎賞，只要係7秒（女士9秒） 內飲晒就會免費🍺平時呢啲活動就聽得多，今次咁岩有，當然要參加啦，不過好可惜，我挑戰失敗🥲極上和牛盛會2人前 （$698）首先上既係前菜，店員介紹呢個前菜係有三個唔同既味，包括甜，酸同辣，有即炸嘅甜薯，落，柚子醋嘅蟹柳同埋辣味嘅帶子裙邊，順住次序食，十分之開胃呀😋之後上既沙律好新鮮，仲舖滿我最愛嘅胡麻醬，好快比我地KO，而佢嘅櫻花蝦味噌湯都好有驚喜，滿滿既櫻花蝦香氣十足🥗🦐🥣之後就到重頭戲，和牛拼盤，拼盤有三款肉分別係日本九州A4和牛三角胸，日本九州A4和牛上前腿肉同埋澳洲和牛封門柳，講到邊款肉最好食真係各有千秋，和牛封門柳肉味最濃，雖然脂肪比較少，但自己燒可以控制佢嘅生熟程度，燒到岩岩好一d都唔韌，仲好軟腍添🐮日本和牛三角胸就油花分布最多，每邊燒10秒已經好足夠，香氣十足，入口即溶！而日本和牛前腿肉油脂分布就比三角胸少，但肉味相對就多番啲，亦比較有咬口🥩最後上既日式甜品亦好特別，係需要自己落手落腳做架，呢
一坐低，店員已經同我地講有一個7秒啤酒大獎賞，只要係7秒（女士9秒） 內飲晒就會免費🍺
平時呢啲活動就聽得多，今次咁岩有，當然要參加啦，不過好可惜，我挑戰失敗🥲
極上和牛盛會2人前 （$698）
首先上既係前菜，店員介紹呢個前菜係有三個唔同既味，包括甜，酸同辣，有即炸嘅甜薯，落，柚子醋嘅蟹柳同埋辣味嘅帶子裙邊，順住次序食，十分之開胃呀😋
之後上既沙律好新鮮，仲舖滿我最愛嘅胡麻醬，好快比我地KO，而佢嘅櫻花蝦味噌湯都好有驚喜，滿滿既櫻花蝦香氣十足🥗🦐🥣
之後就到重頭戲，和牛拼盤，拼盤有三款肉分別係日本九州A4和牛三角胸，日本九州A4和牛上前腿肉同埋澳洲和牛封門柳，講到邊款肉最好食真係各有千秋，和牛封門柳肉味最濃，雖然脂肪比較少，但自己燒可以控制佢嘅生熟程度，燒到岩岩好一d都唔韌，仲好軟腍添🐮
日本和牛三角胸就油花分布最多，每邊燒10秒已經好足夠，香氣十足，入口即溶！而日本和牛前腿肉油脂分布就比三角胸少，但肉味相對就多番啲，亦比較有咬口🥩
最後上既日式甜品亦好特別，係需要自己落手落腳做架，呢個日式抹茶雲呢拿雪糕既抹茶係可以根據自己鍾意既濃度去調教，好似日本茶道咁，有得食又有得玩，食得好開心呀🍵🍨
呢間小店睇得出好用心去做，所有既擺盤都好靚，而店員都好細心，驚我地被油彈到會問我哋需唔需要圍裙，又會觀察我地嘅石燒夠唔夠熱，唔夠熱就幫我哋換過塊，fd子果然冇介紹錯，下次探佢再食過😆
Post
