八居酒屋 (旺角新城)

Open Now

Now Closed

出旺角搵野食，發現新開日本居酒屋，細細間有日本地道風情，即管試下啦。估唔到新開都咁多人，入座後一直都有客入，好熱鬧，原來有得食又有得玩，叫完野食可以出去夾波波，夾中有小食送，見到最少都有枝豆呀！可惜我係夾唔中🥲叫左黑松露芝士炸蠔卷，蟹膏甲羅燒碗法包，蟹子沙律，日本雞皮餃子，牛油焗鮮帆立貝，同自選丼。兩個人食到勁飽呀！雞皮餃子係居酒屋必點！外脆內軟，雞皮充滿肉餡，十分豐富！蟹膏甲羅燒又係必食，勁香既蟹膏，一定係搽滿成塊法包仔一啖擺入口最正！黑松露芝士炸蠔卷最驚喜，黑松露同芝士本身都係濃味野，加埋一齊估唔到咁夾，濃郁既香味徘徊係口中！自選飯丼最少揀三個配菜，乜都有得揀，我地就揀左玉子燒，魚子同埋蟹肉！加$20仲有前菜同埋甜品，仲可以半價叫嘢飲非常之抵！個飯用左日本米煮，煮出來好有咬口，煙煙韌韌好有口感，同平時啲壽司飯有啲唔同，有驚喜！玉子燒超甜，撈埋白飯食成碗都食得晒！