火山燒 (Closed)

好耐之前尼過 尋日突然間戚起條筋又想食所以即刻BOOK位BOOK左八點 去到其實已經滿座 好彩醒目BOOK左位而家仲可以一邊打邊爐一邊燒串燒 仲有刺身供應 先尼個刺身先啦 我地兩個人叫得唔多但估唔到咁少份量都可以擺得咁靚 抵讚呀下唔係得個樣嫁啲刺身都新鮮 係個帆立貝薄左少少之後湯底就尼啦 我地叫左北海道鰹魚昆布湯 仲叫左啲金菇 胖胖牛 玉子豆腐 黑毛豬腩片 秋葵湯底堅好味 平時打邊爐一定要點豉油 哩個基本上所有野食擺落去都吸哂湯底啲味流心芝士年糕 流心蕃薯年糕 哩兩款第一次食 感覺幾得意 略嫌芝士太少但蕃薯反而唔錯 好濃蕃薯味到燒個邊勒 有酸辣醬 蜜糖同埋燒汁提供 另外仲有鹽同黑椒我都係中意最原始既鹽不過朋友話酸辣醬唔錯其實大部份都唔錯 個人認為金菇肥牛卷 芝士年糕 牛肩肉 黑豚豬腩(夠哂厚)一定要試哩個火燒到個金菇肥牛卷特別好食 真係要試仲有好多款飲品提供 最好每人仲會有舊雪糕做甜品係雲哩拿同芒果味 好滑好好食三百幾蚊一個 食齊咁多野好抵啦係銅鑼灣尼講D侍應仲好有禮貌呢