寢宮

Open Now

Now Closed

星期六同老公黎到尖沙咀寢宮食晚飯。呢間酒吧有打卡位，亦都提供桌球枱俾你篤波，好多野玩。我地叫左兩個Dinner Set同一個小食。餐湯要黑松露忌廉蘑菇湯，蘑菇味濃郁，湯唔會好水個種，有蘑菇既口感，幾好飲。前菜係意大利巴馬火腿及煙三文魚拼盤，煙三文魚夠肥美，巴馬火腿唔會好鹹，配埋清甜既哈密瓜一齊食，正。紐西蘭頂級肉眼扒伴香烤時令蔬菜配燒汁肉眼扒叫左五成熟，幾大塊而且有牛味，伴碟有薯仔、菇、蘆筍同番茄。招牌火焰烤雞侍應會係你面前點火，成隻雞變成燒雞，跟住佢會拎返去切成一件件。雞肉好嫩滑，又多汁，真係好好食。招牌烤蠔蠔上面加左好多蒜蓉同蔥，食落好有港式風味，有大排檔既感覺。