Video
Read full review
2019-01-22
39 views
話說早幾日有個朋友話搵到一個新地方有得食又有得玩boardgame，難得大家都有時間就梗係出嚟聚一聚啦！我哋一行六個人，最終嗌咗個party set。Boardgame Corner，麻雀雖小五臟俱全。一個set會包兩渣飲品， 左邊係金桔檸檬， 右邊係芒果汁，味道清新，都幾好飲。第一個上枱嘅就係田園沙律， 上面配有麻醬， 整體嚟講幾開胃，不過不失。然後就有一個芝士薯條， 一拎到埋嚟已經聞到有好香嘅芝士同埋薯條味。食落去熱辣辣， 而且唔會淋， 好明顯係新鮮炸出嚟嘅，好味。再嚟就一個豬頸肉同埋雞肉串燒嘅拼盤， 雞肉串燒都ok， 但係個豬頸肉都幾好食，個厚度啱啱好， 唔會覺得好油膩。然後再嚟多一個小食拼盤，有雞翼，咖哩角，粟米墨魚餅同埋雞翼。分量好足每個人都食到， 而且唔會食得好飽。依個就係今餐最後嘅小食啦 — 芝士焗蔬菜。 對比起上邊嘅煎炸小食， 呢個小食可以幫大家清一清啱啱食完煎炸食物嘅油膩感。最後就有兩個主菜 鮮茄豬扒飯同埋 黑松露海鮮意大利飯，份量同小食一樣都好十足，鮮茄豬扒飯入邊 啲豬扒有用得香茅醃製，所以食落去好香。而黑松露海鮮飯更加一絕，淨係睇相都見到佢用料十足， 而飯粒好有嚼
Boardgame Corner，麻雀雖小五臟俱全。
一個set會包兩渣飲品， 左邊係金桔檸檬， 右邊係芒果汁，味道清新，都幾好飲。
第一個上枱嘅就係田園沙律， 上面配有麻醬， 整體嚟講幾開胃，不過不失。
然後就有一個芝士薯條， 一拎到埋嚟已經聞到有好香嘅芝士同埋薯條味。食落去熱辣辣， 而且唔會淋， 好明顯係新鮮炸出嚟嘅，好味。
再嚟就一個豬頸肉同埋雞肉串燒嘅拼盤， 雞肉串燒都ok， 但係個豬頸肉都幾好食，個厚度啱啱好， 唔會覺得好油膩。
然後再嚟多一個小食拼盤，有雞翼，咖哩角，粟米墨魚餅同埋雞翼。分量好足每個人都食到， 而且唔會食得好飽。
依個就係今餐最後嘅小食啦 — 芝士焗蔬菜。 對比起上邊嘅煎炸小食， 呢個小食可以幫大家清一清啱啱食完煎炸食物嘅油膩感。
最後就有兩個主菜 鮮茄豬扒飯同埋 黑松露海鮮意大利飯，份量同小食一樣都好十足，鮮茄豬扒飯入邊 啲豬扒有用得香茅醃製，所以食落去好香。而黑松露海鮮飯更加一絕，淨係睇相都見到佢用料十足， 而飯粒好有嚼頭，口感好好。
總括嚟講呢度係一個好適合大家約埋一齊聚會嘅地方，有得食又有得玩，而且坐得又舒服好適合大家喺度傾計。下次再約朋友我一定會揀呢度！
Post
