Video
Read full review
2018-11-26
132 views
旺角多樓上café就係人都知,但原來infinityworkshop café有好多種類既活動,手工藝,占卜都有,有機會我都想黎占卜測下運程。Café內裝修簡約,係白色同木紋色為主,仲有好多擺設-油畫,木偶公仔,有少少懷舊feel..先黎嗌一杯野飲: 塑身水果茶-紅茶加左西莓汁味道好濃郁,因為飲落比較稠,酸酸甜甜好開胃,水果粒(藍莓,菠蘿,香蕉)仲要好多,真材實料,仲好健康~主食我就叫左招牌漢堡配粗薯條: -招牌漢堡超大份,仲要好高身,女仔真係冇可能一啖咬到全部料…佢咁高係因為有一塊厚身既免治牛肉扒,洋蔥唔係薄切細圈,而係厚切,而且有一個少見既材料—完整啡菇。啡菇好似吸左水既海綿,有好多汁,加埋免治牛肉扒真係超級juicy。而我特別鐘意蜜糖芥末醬,甜甜地好正。我地本來叫左扭扭薯條,但可惜侍應告知賣哂,所以換成粗薯條。粗薯條份量好多,但我就麻麻地粗薯條,因為佢薯仔含量多,食落偏粉,唔夠脆。朋友叫左黑松露油炒鮮帶子虎蝦意粉-朋友勁滿意呢個意粉,因為意粉煮得岩岩好,炒完又夠乾身,用黑松露油黎炒好香啊。而且帶子都唔細粒,虎蝦更係大大隻仲挑埋蝦腸,完全感覺到餐廳既誠意我地驚唔夠食仲叫左兩款小食:
workshop café有好多種類既活動,手工藝,占卜都有,有機會我都想黎占卜測下運程。Café內裝修簡約,係白色同木紋色為主,仲有好多擺設-油畫,木偶公仔,有少少懷舊feel..
先黎嗌一杯野飲: 塑身水果茶
-紅茶加左西莓汁味道好濃郁,因為飲落比較稠,酸酸甜甜好開胃,水果粒(藍莓,菠蘿,香蕉)仲要好多,真材實料,仲好健康~主食我就叫左招牌漢堡配粗薯條:
-招牌漢堡超大份,仲要好高身,女仔真係冇可能一啖咬到全部料…佢咁高係因為有一塊厚身既免治牛肉扒,洋蔥唔係薄切細圈,而係厚切,而且有一個少見既材料—完整啡菇。啡菇好似吸左水既海綿,有好多汁,加埋免治牛肉扒真係超級juicy。而我特別鐘意蜜糖芥末醬,甜甜地好正。我地本來叫左扭扭薯條,但可惜侍應告知賣哂,所以換成粗薯條。粗薯條份量好多,但我就麻麻地粗薯條,因為佢薯仔含量多,食落偏粉,唔夠脆。朋友叫左黑松露油炒鮮帶子虎蝦意粉
-朋友勁滿意呢個意粉,因為意粉煮得岩岩好,炒完又夠乾身,用黑松露油黎炒好香啊。而且帶子都唔細粒,虎蝦更係大大隻仲挑埋蝦腸,完全感覺到餐廳既誠意
我地驚唔夠食仲叫左兩款小食:蜜糖雞翼 (15分鐘即叫即制)
-呢到既蜜糖雞翼真係掂,加分位係單骨,易食而且比原隻雞翼入味。用蜜糖醃完半炸,雞皮好脆,食10隻都唔夠喉
炸物拼盤: 超級熱氣系列,有6款炸物 — 炸龍利柳,炸蝦,炸蟹棒,炸洋蔥圈,炸芝士條及粗薯條-一上枱真係俾佢個份量嚇一嚇,超大份,足夠4個人食。炸蝦,炸蟹棒,炸龍利柳都幾好食,放耐左都唔會腍哂,
炸芝士條我地冇趁熱食,放凍左拉唔到絲,炸洋蔥圈就唔岩我口味,可能因為我麻麻地生洋蔥
最後整多個Haagen-Dazs雪糕心太軟
-兩球雪糕大大球,我地揀左曲奇&朱古力味,側邊仲有兩patcream,用士多啤梨粒砌左個花,好有心思。心太軟好食但食哂一個有d膩,同朋友share就岩岩好~
食完咁多野真係飽到嘔真係唔可以低估呢到菜式既份量
Post
