道頓堀御好燒專門店 (K11購物藝術館) (Closed)

平日生日難得好友放假請我食午餐 (其實之前佢已經同其他朋友仔同我慶祝)， 今日放假又請我食多餐，好感動。早幾年在日本食過，好食又好玩，今次佢帶埋小鮮肉(佢個仔放復活節假中)， 小朋友一定喜歡。三個人要了一個二人餐另加 一塊西冷扒，二人餐有燒煙肉沙律(煙肉是要自己燒好放在餐廳提供的沙律上面) ，另外有廣島燒， 道頓崛集錦燒， 上級牛肋肉，牛油帶子， 兩個甜品及兩柸 飲品 。其實餐廳非常貼心，有圖文並茂介紹各款燒法， 又有計時器可準確計算時間，我同朋友仔 按照指引放材料，而小鮮肉幫忙計時，雖然有點手忙腳亂， 大家都玩得開心， 而製成品都非常滿意， 好有成功感。道頓崛什錦燒只要將材料搞好，放在鐵板上計好時間就得，非常簡單方便， 煎好後即食，熱辣辣口感一流。但廣島燒就有點複雜，要一邊煎麵糊 加椰菜 煙肉，另一邊煎炒麵，兩邊煎好後放在一起， 反來反去又要加蛋，手忙腳亂， 但煎好後非常有成功感，而且有炒麵是另外一種口感非常好食。套餐外另加的一客西冷好大塊，放在鐵板上煎好再煎另一面時才發現是兩塊，所以煎得老了， 入口肉質都還可以。甜品是單球雪糕，加了十元升級為迷你芭菲，原來只是雪糕球上加了忌廉 百力