道頓堀御好燒專門店 (新城市廣場) (Closed)

自從沙田淪陷，新城市廣場即使喺平日夜晚都好難搵食，周圍都好多人。今次我係先網上拎飛，拎完後一個鐘去到就岩岩好排到我地。大板燒就食得多（問過店員其實御好燒即係大板燒），可以自己落手炮製嘅就未試過。我地兩個人叫左一個廣島燒、一個雜錦肉御好燒。由於廣島燒太多材料，有麵又有蛋，所以店員都好好咁過黎幫我地料理，製成品都幾靚架，最緊要係好食又大份。廣島燒特色係多菜、多蛋，好適合想健康啲嘅朋友。我自己就比較鍾意食肉，所以叫左個雜綿肉御好燒。由於呢個造法比較簡單，只要將全部材料倒落爐面燒就可以，所以我地當然要試試親手整啦！雖然無店員整得咁靚，但都唔錯啊！最緊要係有齊牛、豬、雞肉，岩哂我呢啲食肉獸。可以自己落調味，加上燒汁同紫菜粉，味道真係好夾！整體黎講，呢個價錢，有得玩又有得食，我覺得係抵食嘅😋題外話，現場見到好幾枱客對親手炮製一啲興趣都無。雖然店員其實可以幫你料理，不過我覺得有啲浪費，就好似去韓燒但坐喺度等人燒比你食咁樣。其實香港都有其他日本餐廳會有師傅喺你面前燒大板燒比你食，咁自己就唔洗落手落腳整，唔知你地知唔知？如果無興趣自己燒嘅朋友仔，都可以考慮下呢啲alternatives