Video
Read full review
2024-08-24
61 views
{Happy Friday 串燒 - $300/head}食串燒絕對有份魔力，三個聲稱唔肚餓，星期五晚想搵個位吹下水，飲下嘢就得嘅人，最後叫左成千蚊串燒😂因為做得好嘅串燒，真係會令人唔經唔覺愈食愈多！呢間旺角串燒第一次去，平均都係20~40蚊一串食物，每串都做得好唔錯，串燒技術一流，樣樣都做到香脆但又唔會過熟，最正真心係個生蠔，食得出係上下同時加熱，除咗濃濃蠔味，邊邊仲有炸蠔嘅脆邊，實在出色！成晚最可惜係個司華力腸，講真在串燒技術方面真心係好，做到脆皮焦香，而個芯仲熱辣辣，但輸在用料，條腸本身唔好食！如果用返啲大廠靚腸就100分！美味程度：😋😋😋😋環境指數：🎇🎇🎇🎇番食機會：🦍🦍🦍📍 #好燒式串燒專門店 (砵蘭街) (旺角)旺角砵蘭街110號地舖
食串燒絕對有份魔力，三個聲稱唔肚餓，星期五晚想搵個位吹下水，飲下嘢就得嘅人，最後叫左成千蚊串燒😂因為做得好嘅串燒，真係會令人唔經唔覺愈食愈多！
呢間旺角串燒第一次去，平均都係20~40蚊一串食物，每串都做得好唔錯，串燒技術一流，樣樣都做到香脆但又唔會過熟，最正真心係個生蠔，食得出係上下同時加熱，除咗濃濃蠔味，邊邊仲有炸蠔嘅脆邊，實在出色！
成晚最可惜係個司華力腸，講真在串燒技術方面真心係好，做到脆皮焦香，而個芯仲熱辣辣，但輸在用料，條腸本身唔好食！如果用返啲大廠靚腸就100分！
美味程度：😋😋😋😋
環境指數：🎇🎇🎇🎇
番食機會：🦍🦍🦍
📍 #好燒式串燒專門店 (砵蘭街) (旺角)
旺角砵蘭街110號地舖
Post
