Video
Read full review
2022-10-14
745 views
每次話去九龍城食飯都淨係會諗起食泰國菜？ 如果咁諗就錯啦！因為而家嘅九龍城已經唔係唔單單食泰國菜，都仲有好多唔同款式或者新派嘅餐廳已經進駐九龍城就好似呢間西餐廳咁，鄰近宋皇臺站B3出口再行過兩條街，就會見到一間貓頭鷹嘅LOGO嘅招牌，招牌一定會令你記得起佢餐廳環境舒服，張櫈坐得幾舒服，座位都夠闊。專員今次同朋友聚一聚分別叫左兩個set dinner+兩款小食+兩杯mocktail- 𝘼𝙥𝙥𝙚𝙩𝙞𝙯𝙚𝙧 -焦糖菠蘿配雜菜沙律及餐湯前菜頭盤嘅沙律菜幾大碟幾新鮮，菠蘿加左少少糖上表面燒到變焦糖效果好脆身表面脆甜嘅菠蘿會中和到菠蘿原先嘅刺激感感覺，沙律菜少量嘅黑醋酸亦都好令到食欲大開至於餐湯今日係南瓜湯南瓜湯入口好順滑無任何南瓜纖維嘅絲感，南瓜味香濃但略為鹹左少少如果再加多返少少忌廉同落少返d鹽，相信南瓜本身嘅甜香味會更出更好飲- 𝐒𝐄𝐓 𝐃𝐈𝐍𝐍𝐄𝐑 $𝟐𝟑𝟖/𝐡𝐞𝐚𝐝 -𝓡𝓲𝓼𝓸𝓽𝓽𝓸 𝔀𝓲𝓽𝓱 𝓢𝓱𝓻𝓲𝓶𝓹 𝓪𝓷𝓭 𝓑𝓵𝓾𝓮 𝓜𝓾𝓼𝓼𝓮𝓵 𝓲𝓷 𝓼𝓱𝓪𝓵𝓵𝓸𝓽 𝓽𝓸𝓶𝓪𝓽𝓸 𝓼𝓪𝓾𝓬𝓮乾蔥蕃茄汁鮮蝦藍青口意大利飯🦪🍛感覺好吸引嘅海鮮意大利飯，新鮮嘅大蝦同藍青口，再加上表面鋪滿一片片小片嘅
每次話去九龍城食飯都淨係會諗起食泰國菜？ 如果咁諗就錯啦！因為而家嘅九龍城已經唔係唔單單食泰國菜，都仲有好多唔同款式或者新派嘅餐廳已經進駐九龍城
就好似呢間西餐廳咁，鄰近宋皇臺站B3出口再行過兩條街，就會見到一間貓頭鷹嘅LOGO嘅招牌，招牌一定會令你記得起佢餐廳環境舒服，張櫈坐得幾舒服，座位都夠闊。專員今次同朋友聚一聚分別叫左兩個set dinner+兩款小食+兩杯mocktail
- 𝘼𝙥𝙥𝙚𝙩𝙞𝙯𝙚𝙧 -
焦糖菠蘿配雜菜沙律及餐湯
前菜頭盤嘅沙律菜幾大碟幾新鮮，菠蘿加左少少糖上表面燒到變焦糖效果好脆身
表面脆甜嘅菠蘿會中和到菠蘿原先嘅刺激感感覺，沙律菜少量嘅黑醋酸亦都好令到食欲大開
至於餐湯今日係南瓜湯南瓜湯入口好順滑無任何南瓜纖維嘅絲感，南瓜味香濃但略為鹹左少少
如果再加多返少少忌廉同落少返d鹽，相信南瓜本身嘅甜香味會更出更好飲
- 𝐒𝐄𝐓 𝐃𝐈𝐍𝐍𝐄𝐑 $𝟐𝟑𝟖/𝐡𝐞𝐚𝐝 -
𝓡𝓲𝓼𝓸𝓽𝓽𝓸 𝔀𝓲𝓽𝓱 𝓢𝓱𝓻𝓲𝓶𝓹 𝓪𝓷𝓭 𝓑𝓵𝓾𝓮 𝓜𝓾𝓼𝓼𝓮𝓵 𝓲𝓷 𝓼𝓱𝓪𝓵𝓵𝓸𝓽 𝓽𝓸𝓶𝓪𝓽𝓸 𝓼𝓪𝓾𝓬𝓮
乾蔥蕃茄汁鮮蝦藍青口意大利飯🦪🍛
感覺好吸引嘅海鮮意大利飯，新鮮嘅大蝦同藍青口，再加上表面鋪滿一片片小片嘅芝士未食已經聞到好香嘅蕃茄香味
大蝦同藍青口都好新鮮，大蝦肉質彈牙而且煎香後增加多一份香脆感
藍青口入口有海水嘅味道，青口肉亦都唔細隻，鮮香加埋海水嘅鹹香確實好唔錯
至於平時食意大利飯最擔心就係太淋或者太硬，呢到嘅意大利飯可以話係煮得岩岩好軟硬度適中仲有保留煙韌嘅口感
飯粒吸收晒上湯同蕃茄汁令到飯粒好飽滿同好香，微微嘅酸蕃茄汁味道入口愈食愈香
配上埋芝士小片一齊食，甜酸味中和返芝士嘅油膩感覺，令到味道嘅層次上更加顯得豐富
- 𝐒𝐄𝐓 𝐃𝐈𝐍𝐍𝐄𝐑 $𝟐𝟑𝟖/𝐡𝐞𝐚𝐝 -𝓖𝓻𝓲𝓵𝓵𝓮𝓭 𝓝𝓮𝔀 𝓩𝓮𝓪𝓵𝓪𝓷𝓭 𝓡𝓲𝓫 𝓔𝔂𝓮 𝔀𝓲𝓽𝓱 𝓲𝓽𝓪𝓵𝓲𝓪𝓷 𝓼𝓽𝔂𝓵𝓮 𝓻𝓸𝓪𝓼𝓽𝓮𝓭 𝔃𝓾𝓬𝓬𝓱𝓲𝓷𝓲
燒紐西蘭肉眼配香草燒雜菜🥩🥦
專員每次去西餐廳如果食牛排的話必定會食5成熟
5成嘅生熟度咁樣先最食得出牛排本身嘅口感同埋牛肉味，同埋最考到餐廳廚師嘅手藝，今次當然亦都唔例外
肉眼油花算多，所以入口時都相對比較淋身同多油香滲出黎，肉質嫩滑肉味亦都食得出牛肉嘅甜香，但因為肉眼關係肉味相對就無咁濃
另外專員有一個食牛排嘅心得，就係上檯後記得要再等多一至兩分鐘先好切開，等牛肉汁流返入牛肉本身會再好食好多
- 𝑨𝑫𝑫 𝑶𝑵 小食 - 🐔🧅
柚子汁脆炸雞翼 $38 (5pcs)
其實有時候愈簡單嘅食物反而愈突顯得出個口味
就好似呢一款柚子雞翼咁，餐廳將雞翼撲上粉然後炸透，高溫嘅油炸令到雞皮炸得好香脆又無燶，雞翼內嘅肉汁亦都保留晒入面
另外將柚子汁再炒一炒勻係雞翼表面，入口酸酸甜甜嘅味道加埋柚子汁本身幾清新嘅感覺係一個唔錯嘅開胃小菜
啤酒漿脆炸洋蔥圈 $38 (4pcs)漿脆炸得好脹身好吸引，漿脆炸得好脆由其是洋蔥都算比較多水份嘅食材
漿脆有帶鹹嘅調味，另外食到有少量啤酒嘅香氣
不過比較可惜係無醬汁沾，如果有得配埋沙律醬一齊食，我諗會食得更加開心
- 𝙈𝙤𝙘𝙠𝙩𝙖𝙞𝙡𝙨 - ✨(𝑺𝒆𝒕 𝒅𝒓𝒊𝒏𝒌𝒔 𝒖𝒑𝒈𝒓𝒂𝒅𝒆 +$𝟐𝟎)
𝑶𝒄𝒆𝒂𝒏 𝑩𝒓𝒆𝒆𝒛𝒆 ($58𝓞𝓻𝓲𝓰𝓲𝓷𝓪𝓵 𝓟𝓻𝓲𝓬𝓮𝓼)
菠蘿汁 + 檸檬汁 + Blue Syrup + Soda Water
味道以先甜後酸為主，藍色一杯好吸引，有比較跳脫嘅感覺
因為加左梳打水令到入口嘅時侯感覺好似飲緊汽水咁，開胃嘅飲品
𝑷𝒂𝒔𝒔𝒊𝒐𝒏 𝒐𝒇 𝒀𝒆𝒍𝒍 ($58𝓞𝓻𝓲𝓰𝓲𝓷𝓪𝓵 𝓟𝓻𝓲𝓬𝓮𝓼)菠蘿汁+熱情果肉+糖漿+檸檬汁
味道偏酸屬於比較清新嘅飲品，入口有開胃嘅感覺
口味上糖漿中和到少少酸味，令到入口時唔會酸到打冷陣嘅感覺
Post
