Video
Read full review
2019-07-29
431 views
早2日我返工last day.諗住請同事食少少嘢就喺網上外賣平台見到茂一茂。見到佢芒果pancake只係$11一件，已經覺得好抵，而家呢個年代出面閒閒地已經20幾蚊件。於是我就order咗25件，點知隔咗陣店員打嚟同我講佢哋只係得13件pancake🥺當下都有啲失望，但店員好好，問我會唔會考慮要佢哋鋪頭其他嘢食，俾我感覺佢好有誠意。最後我揀咗要芒果布甸，點知佢哋都得返8件😂就話送啲魚蛋燒賣俾我。其實佢哋咁樣補俾我，已經over咗我本身幫襯佢嘅錢，我問佢點樣俾返啲差額佢，佢話唔使，話係因為係佢哋鋪頭唔夠貨，唔係我責任。話雖如此，但而家好多鋪頭就算係咁都會要個客自己suffer返嘅，所以都覺得幾難得。到啲嘢食到嘅時候，我仲見到張紙仔。原來係佢哋鋪頭芒果布甸只係得返5件😂😂所以最後用多咗2份楊枝甘露補俾我。佢喺紙仔仲話唔好意思，希望我鍾意等等。真係覺得好有心❤️講咗咁耐，終於講到啲食物質素。當時我唔知原來呢間係地茂館嘅分支。又見佢咁平，所以都唔expect好食。但係食落啲pancake真係唔差，完全對得住價錢有餘，皮唔會太厚，芒果亦唔會過酸同時唔係浸過糖水嘅味。楊枝甘露佢用咗杯裝俾我，開頭我當
就喺網上外賣平台見到茂一茂。
見到佢芒果pancake只係$11一件，已經覺得好抵，而家呢個年代出面閒閒地已經20幾蚊件。
於是我就order咗25件，點知隔咗陣店員打嚟同我講佢哋只係得13件pancake🥺當下都有啲失望，但店員好好，問我會唔會考慮要佢哋鋪頭其他嘢食，俾我感覺佢好有誠意。
最後我揀咗要芒果布甸，點知佢哋都得返8件😂就話送啲魚蛋燒賣俾我。
其實佢哋咁樣補俾我，已經over咗我本身幫襯佢嘅錢，我問佢點樣俾返啲差額佢，佢話唔使，話係因為係佢哋鋪頭唔夠貨，唔係我責任。話雖如此，但而家好多鋪頭就算係咁都會要個客自己suffer返嘅，所以都覺得幾難得。
到啲嘢食到嘅時候，我仲見到張紙仔。原來係佢哋鋪頭芒果布甸只係得返5件😂😂所以最後用多咗2份楊枝甘露補俾我。佢喺紙仔仲話唔好意思，希望我鍾意等等。真係覺得好有心❤️
講咗咁耐，終於講到啲食物質素。當時我唔知原來呢間係地茂館嘅分支。又見佢咁平，所以都唔expect好食。但係食落啲pancake真係唔差，完全對得住價錢有餘，皮唔會太厚，芒果亦唔會過酸同時唔係浸過糖水嘅味。
楊枝甘露佢用咗杯裝俾我，開頭我當特飲咁飲都好爽，後尾再用返匙羹食，啲金柚唔苦，係西米有d太多啫 。
布甸我自己就冇食，但食咗嘅同事都話好好食。
最令我驚喜可以係話魚蛋同燒賣，因為冇諗過糖水鋪嘅魚蛋同燒賣係會好食，所以有啲喜出望外。
最後想喺度再同茂一茂講聲多謝，feel到你哋好有人情味。你哋亦令到我同啲同事好開心。我自己以前都做過甜品鋪職員，所以好明白一間鋪頭仔，冇預咁多貨係好正常，但你哋嘅處理手法我真係好respect👍🏻而且你哋嘢食都做得好，唔係純粹用平或者其他嘢做gimmick，真係抵讚！
嗰日太匆忙，冇影到嘢食同張紙仔，唯有附上單據證明自己唔係打手啦🤣
Post
