Video
Read full review
2009-06-22
60 views
嘩~睇返呢道d食評原來呢種手法已經唔係第一次.今晚同朋友一行11人釣完墨魚諗住食少少野先出返市區. 碼頭行出黎有兩間茶餐廳, 但其中一間冇位, 咁諗住好唔好食都是旦啦, 有位坐下休息下食少少野就算. 結果入左呢間黑店.入到去冇 set 要散叫都唔緊要, 去得呢d遊客區都預左會貴. Anyway, 我地每人叫左杯野飲同一個麵. 好唔好食都其次, 埋單時我地各自 AA 點餐牌價錢拎自己份錢出黎. 埋到櫃位個呀姐 "$xxx 啦". 足足比我地夾出黎既錢多 $4x. 咁我地以為係朋友當中有人未比錢啦, 逐個問完之後發現岩數喎, 咁我地問個呀姐佢個數點黎. 佢即刻問係咪有人食沙爹牛肉, 因為要加錢.問題黎啦.因為佢有 set, 我地個個指住個餐牌叫. 有幾個人真係叫左 "腸牛麵", "腿牛麵" 咁. 佢餐牌都係就咁寫 "腸牛麵", "腿牛麵". 但落單時個職員問 "要滑牛定沙爹牛肉?" 但冇講要加錢, 咁大家唔知既情況下就照佢提示既去揀.到埋單個呀姐話沙爹牛肉要加幾蚊, 叫我地睇餐牌第二頁 (唔係麵食果頁), 話你睇沙爹牛肉係貴d.咁我地梗係同佢理論. 佢就話落單果個人新黎唔知 (但根本冇人會
今晚同朋友一行11人釣完墨魚諗住食少少野先出返市區. 碼頭行出黎有兩間茶餐廳, 但其中一間冇位, 咁諗住好唔好食都是旦啦, 有位坐下休息下食少少野就算. 結果入左呢間黑店.
入到去冇 set 要散叫都唔緊要, 去得呢d遊客區都預左會貴. Anyway, 我地每人叫左杯野飲同一個麵. 好唔好食都其次, 埋單時我地各自 AA 點餐牌價錢拎自己份錢出黎. 埋到櫃位個呀姐 "$xxx 啦". 足足比我地夾出黎既錢多 $4x. 咁我地以為係朋友當中有人未比錢啦, 逐個問完之後發現岩數喎, 咁我地問個呀姐佢個數點黎. 佢即刻問係咪有人食沙爹牛肉, 因為要加錢.
問題黎啦.
因為佢有 set, 我地個個指住個餐牌叫. 有幾個人真係叫左 "腸牛麵", "腿牛麵" 咁. 佢餐牌都係就咁寫 "腸牛麵", "腿牛麵". 但落單時個職員問 "要滑牛定沙爹牛肉?" 但冇講要加錢, 咁大家唔知既情況下就照佢提示既去揀.
到埋單個呀姐話沙爹牛肉要加幾蚊, 叫我地睇餐牌第二頁 (唔係麵食果頁), 話你睇沙爹牛肉係貴d.
咁我地梗係同佢理論. 佢就話落單果個人新黎唔知 (但根本冇人會信係囉...佢做野同落單熟都不得了, 制服更加唔會係新). 到最後佢話 "唉...咁算啦, 唔當你加錢".
我地都諗住唔同佢嘈, 但之後個結果仲令人出人意表. 再計過都係比我地個數多十幾蚊. 叫佢再計佢又話一定岩. 咁我地叫佢逐樣逐樣加比我地睇, 加左出黎結果係同我地夾出黎既錢係 "一模一樣"....唉.....
賣貴d咪賣貴d囉, 做咩要用呢d手法呃人錢.
Post