Spark Bar & Restaurant (Closed)

今日爸爸唔返黎食飯，得返我同媽咪撐檯腳。媽咪話帶我去一間佢食過幾好味嘅西餐，所以我地黎左spark。Spark係一間坐落於蘭桂坊嘅酒吧餐廳。星期四都幾乎滿座，以樓上餐廳來講唔算少人光顧。未點菜侍應已經送上質地軟熟嘅麵包，配橄欖油味都唔錯。前菜係餐廳嘅招牌—蘑菇湯。雖然係一道幾乎間間餐廳都有嘅普通菜色，味道幾有水準，應該係用新鮮蘑菇打成。特別在於上面有風乾火腿做成嘅泡沫點綴。值得一讚係餐廳嘅細心，知道我同媽咪share特登分成兩份上檯。我同媽咪都唔飲酒所以叫咗兩杯mocktail。我點嘅夜幕天星係楊桃味，好fresh！主菜方面，我哋選擇咗珍寶帶子同埋chitarra意粉。chitarra相對一般義大利麵條較為厚身同埋粗，所以特別有咬口！海鮮味濃郁嘅醬汁同埋南蟹肉實在得喜歡水產嘅我歡心。相比意粉，三粒大大粒嘅帶子更有驚喜。火候控制得宜，生熟程度啱啱好不在話下。我尤其欣賞以粟米製成嘅醬汁同埋自家制嘅醬汁，味道新奇！配嘅唔係飯、意粉或者薯菜，而係卜卜脆嘅藜麥沙律，唔會太飽。享用過美味嘅食物之後，以一杯德國綠茶解解膩實在完滿。