媄鐵板燒日本料理和酒

Open Now

Now Closed

如果約到三五知己一齊黎食就更開心，每枱可以坐6至8人。我哋兩個先食一個凍湯粟米凍湯配茘枝漬蕃茄中間的是燒粟米和蓮芋。荔枝漬蕃茄帶有甜味和酸味。日式蒸蛋用龍蝦汁和蛋一齊蒸，滑蛋更香濃。金鯛魚立鱗燒配酸菜魚汁先咬到魚皮口感非常之脆，再感到魚肉嘅滑，沾上酸菜汁，味道係有一點點花椒味。南非鲍魚配鮑魚干醬先食一次原味，再食好香嘅鮑魚干醬，鮑魚彈牙之外，味雷亦嚐到唔同層次。沙巴虎蝦煎好虎蝦之後，放一部分嘅蝦膏伴匀，口感食落冇咁乾，蝦肉爽口鮮甜。鵝肝鵝肝多士放上蘋果醋，咬落脆香多士，之後柔軟而香濃嘅鵝肝，蘋果醋帶出清香，無咁油膩。美國牛肉、日本鹿兒島黑豚肉牛肉肉質嫩，咬落有肉汁。肉片包三星蔥，香香嘅葱卷，沾上酸甜味嘅紫蘇梅醬，份外滋味。炒飯•炒野菜 •炒飯入面有高菜漬，飯粒有香味之餘，高菜漬令炒飯提升味道，令胃口大開。味增湯用蝦頭煎熬後連同味增湯煮，入口湯甜香濃。焦糖多士配芝士雪糕超級脆多士，將微熱多士同芝士雪糕一齊食入口，口感層次分明。