Homeland (東昌街) (Closed)

難得嚟都大埔，朋友介紹一間新派意大利餐廳，餐廳位置近住東昌體育館，泊車十分方便和便宜，真係一個街頭一個街尾；餐廳門面都比較吸引，雖然位於一座舊式唐樓，但佈置亦都好有心思；剛好客人十分之多，所以服務員帶我哋上閣樓，個閣樓亦都好寬敞，有好勁嘅音樂，坐得十分舒適！咁就簡單地點咗兩個套餐！再加一個小食。其中包括墨西哥薄餅，安格斯牛扒，龍蝦湯和三文魚沙律，小食就揀咗個田螺加薯蓉；飲品方面我就選咗個passion fruit mujuto，朋友就試咗個honeymoon嘅手工啤! 熱情果mujuto做得唔錯，好香熱情果味再加上薄荷同青檸，雖然冇vodka 但係都做得好清新；而手工啤酒真係好香荔枝蜜糖味！兩款飲品都值得一讚，用嚟送田螺薯蓉真係絕配！呢個龍蝦湯真係好香濃蝦味，飲得出係用龍蝦頭淆製而成嘅，而三文魚沙律就不過不失；安格斯牛扒五成熟，熟度剛剛，好肉質亦都算淋滑，啲配菜做得好出色；墨西哥薄餅有兩種dippings，食落鬆脆開胃，好有墨西哥嘅風味，做得出色! 整體嚟講係一間好出色嘅餐廳！