Video
Read full review
2018-04-11
220 views
話說我放工，約咗朋友去聚舊。順便抒發悶氣！呢間餐廳有地鐵行過去都唔需要10分鐘就行到；地點方便又易搵。餐廳上邊有一啲類似木造製品嘅裝飾物，加上柔和嘅燈光：令人放鬆。餐廳入邊有呢間餐廳嘅logo，用音樂嘅降號logo...最緊要呢間餐廳夜晚係有音樂聽。又有得食嘢又有得聽歌，簡直可以令人有放鬆嘅一晚。龍蝦湯龍蝦湯偏橙色，聞落去有好香嘅龍蝦香味。飲落去好滑又有好濃郁龍蝦味。香草蒜茸油焗田螺: 最底部分由薯蓉墊底，之後放上蘑菇：最後放上蒜茸，食落去有好香蒜香味。薯蓉好滑身而且好有牛油味，田螺好軟。上果陣好熱，最好用叉匙夾佢,唔好掂隻碟。一碟有五件。澳洲藍青口燒南瓜車厘茄捲通粉烤黑松露海驢魚柳：我第一啖食落去有好重芝士味，然後再試個汁：我幾乎好肯定用Mozzrella Cheese煮。由於呢款芝士係淡芝士,食落去唔會搶其他食物本身味道。而溫和嘅芝士味配合車厘茄本身清甜味。通粉比平時見嘅通粉厚身，質感比較彈牙，外表比平時見嘅通粉特別，打橫嘅紋理，一份魚柳有兩件。魚柳都好滑，魚嘅油脂唔算太多，食落去唔漏。焗蘋果卷伴冧酒提子雪糕食嘅時候熱辣辣，個蘋果卷外層焗到金黃色。酥皮脆卜卜，有淡淡的蘋果香味。份量
餐廳上邊有一啲類似木造製品嘅裝飾物，加上柔和嘅燈光：令人放鬆。
餐廳入邊有呢間餐廳嘅logo，用音樂嘅降號logo...最緊要呢間餐廳夜晚係有音樂聽。又有得食嘢又有得聽歌，簡直可以令人有放鬆嘅一晚。
龍蝦湯
龍蝦湯偏橙色，聞落去有好香嘅龍蝦香味。飲落去好滑又有好濃郁龍蝦味。
香草蒜茸油焗田螺: 最底部分由薯蓉墊底，之後放上蘑菇：最後放上蒜茸，食落去有好香蒜香味。薯蓉好滑身而且好有牛油味，田螺好軟。上果陣好熱，最好用叉匙夾佢,唔好掂隻碟。一碟有五件。
澳洲藍青口燒南瓜車厘茄捲通粉烤黑松露海驢魚柳：
我第一啖食落去有好重芝士味，然後再試個汁：我幾乎好肯定用Mozzrella Cheese煮。由於呢款芝士係淡芝士,食落去唔會搶其他食物本身味道。而溫和嘅芝士味配合車厘茄本身清甜味。通粉比平時見嘅通粉厚身，質感比較彈牙，外表比平時見嘅通粉特別，打橫嘅紋理，一份魚柳有兩件。魚柳都好滑，魚嘅油脂唔算太多，食落去唔漏。
焗蘋果卷伴冧酒提子雪糕
食嘅時候熱辣辣，個蘋果卷外層焗到金黃色。酥皮脆卜卜，有淡淡的蘋果香味。份量都唔少，差唔多有一個豬肉卷嘅大細。冧酒雪糕內有提子，食落去有好強嘅酒味。
Post
