Video
Read full review
2019-10-29
880 views
上星期同朋友去左灣仔呢間餐廳食omakase，一次過滿足我嘅食慾同心靈上嘅渴求。食材新鮮，菜式新穎，廚師係處理食材同設計菜單上面落左好多心思❤️.我地坐左係吧台嘅位置，可以睇住廚師準備食物嘅過程，食呢餐飯嘅途中都有同廚師傾下計，所以不知不覺餐飯都食左3個鐘😂.Omakase有分兩個價錢，$1180 同 $1680，同樣包左沙律、前菜、刺身6點、吸物(湯)、和食、冷物、壽司4點、卷物同自家制甜品，兩者分別在於選用食材嘅等級。而家做緊優惠，$1180 set 會買一送一，好抵食！.以下係我今次食左嘅菜式:- 蘋果汁清酒酒味唔濃，甜甜地幾好飲。- 櫻花茶侍應會拎住一盤有唔同款式嘅茶杯俾你揀，揀好自己想用嘅茶杯就可以品嘗櫻花茶啦👍🏻味道比較淡，有少少櫻花味，壺茶係用蠟燭座住，所以唔洗擔心會凍哂。- 牛油果他他我好鍾意食牛油果，所以呢個菜式我好滿意。牛油果挖空，放入幾種刺身，包括有三文魚、呑拿魚等等，上面淋滿wasabi牛油果醬。食落無平時牛油果好膩嘅口感，取而代之係好滑身嘅牛油果醬，加上wasabi嘅微辣同新鮮魚生嘅清新，呢個菜式好開胃。- 煙燻蛋配煙燻鴨胸上碟賣相好靚，雀仔、雀巢同蛋擺放一齊嘅
.
我地坐左係吧台嘅位置，可以睇住廚師準備食物嘅過程，食呢餐飯嘅途中都有同廚師傾下計，所以不知不覺餐飯都食左3個鐘😂
.
Omakase有分兩個價錢，$1180 同 $1680，同樣包左沙律、前菜、刺身6點、吸物(湯)、和食、冷物、壽司4點、卷物同自家制甜品，兩者分別在於選用食材嘅等級。而家做緊優惠，$1180 set 會買一送一，好抵食！
.
以下係我今次食左嘅菜式:
- 蘋果汁清酒
酒味唔濃，甜甜地幾好飲。
- 櫻花茶
侍應會拎住一盤有唔同款式嘅茶杯俾你揀，揀好自己想用嘅茶杯就可以品嘗櫻花茶啦👍🏻味道比較淡，有少少櫻花味，壺茶係用蠟燭座住，所以唔洗擔心會凍哂。
- 牛油果他他
我好鍾意食牛油果，所以呢個菜式我好滿意。牛油果挖空，放入幾種刺身，包括有三文魚、呑拿魚等等，上面淋滿wasabi牛油果醬。食落無平時牛油果好膩嘅口感，取而代之係好滑身嘅牛油果醬，加上wasabi嘅微辣同新鮮魚生嘅清新，呢個菜式好開胃。
牛油果他他
20 views
0 likes
0 comments
- 煙燻蛋配煙燻鴨胸
上碟賣相好靚，雀仔、雀巢同蛋擺放一齊嘅設計幾得意。煙燻蛋味道似鐵蛋，不過無咁硬，唔錯。煙鴨胸調味偏甜，都算juicy。
煙燻蛋配煙燻鴨胸
15 views
0 likes
0 comments
- 海水
呢杯海水由海帶同礦物鹽水組成，飲一啖用黎清一清味蕾。
- 刺身盤
有金線鯛、靖魚、鱲魚、池魚、拖羅同魚子刺身。靖魚係醃制過嘅，所以食落有啲似熟左嘅靖魚。值得一提嘅係個魚子盒！望落同真魚子無分別嘅三色魚子，竟然係用海藻整成！餐廳為左支持可持續發展嘅理念，特登整左呢個份子料理去取代真魚子，好有心思。因為唔係真魚子嘅關係，所以食落完全無腥味，平時好怕魚子嘅我食得好開心😃
刺身六點
10 views
0 likes
0 comments
- 木魚牛骨湯
湯壺設計好特別，有啲似科學用嘅本生燈，放係下層嘅牛骨湯係煲滾之後就會蒸發上去上面嘅木魚層，木魚會過濾油份，所以之後飲嘅湯會無咩油同帶有陣陣木魚味。
木魚牛骨湯
13 views
0 likes
0 comments
- 報紙雞卷
「報紙」係用食用墨係米紙上面印上字體而成，食落同普通米紙無咩分別。雖然米紙有啲硬同厚身，但係雞卷入面嘅嘅雞肉嫩口juicy，配上照燒汁好惹味。
報紙雞卷
9 views
0 likes
0 comments
- 鮑魚肝醬
鮑魚口感彈牙，配菜經香濃肝醬煮過都好好味道。
鮑魚肝醬
7 views
0 likes
0 comments
- 土製菠蘿雪葩
食左幾個濃味嘅菜式，黎番一個refreshing嘅甜點確實係唔錯。雪葩入口好滑，味道酸酸甜甜，好消滯，食完呢個就可以繼續食下面嘅壽司嚕！
- 豆紙壽司
粉紅色嘅豆紙摺到好似一個紙盒咁，好靚，入面嘅係海膽壽司，海膽係蒸熟左嘅，咁食海膽都係第一次。
豆紙壽司
15 views
0 likes
0 comments
- 鹹魚豆腐白菜壽司
呢個係我認為成餐飯最有心思嘅菜式，廚師用燒馬友魚、豆腐醬同白菜壽司去表達「鹹魚、豆腐、白菜都好好食」，象徵住香港人嘅獅子山精神。
鹹魚豆腐白菜壽司
10 views
0 likes
0 comments
- 魚蝦蟹壽司
呢個壽司上面有齊魚蝦蟹嘅元素: 炸蝦+炸魚鱗皮+蟹膏醬，壽司飯係用左龍蝦湯煮嘅糯米飯，味道香濃又煙韌，幾好食。
魚蝦蟹壽司
17 views
0 likes
0 comments
- 低溫鵝肝配窩巴
第一次食低溫鵝肝，原來口感同平時煎嘅鵝肝好唔同，質感係creamy d 無咁油，但食落會膩啲，所以餐廳準備左醋俾客人加上去食。個醋好好食，係用左黑醋加蜜糖整成，酸中帶甜，中和左低溫鵝肝入面嘅酒味。鵝肝配窩巴，我覺得呢個配搭好食過平時嘅鵝肝多士。
低溫鵝肝配窩巴
9 views
0 likes
0 comments
- 辣呑拿魚卷
呑拿魚卷加入日本辣醬同沙律醬調味，帶微辣。伴碟嘅意大利青瓜同萵筍都好食。
辣呑拿魚卷
8 views
0 likes
0 comments
- 鰻魚壽司
鰻魚飯醬汁調味幾好，連下面嘅壽司飯都入味好食。
- 魚鱗啫喱、焦糖多士、巨峰提子梳打
為左物善其用，餐廳用左先前炸魚鱗片淨低嘅魚鱗精華整啫喱，因為無額外添加魚膠粉，所以食落口感無平時嘅啫喱硬身，但我幾鍾意。成餐飯以甜點結尾，好滿足。
魚鱗啫喱、焦糖多士、巨峰提子梳打
24 views
0 likes
0 comments
整體黎講，餐廳俾我感覺係好用心機去對待客人同每一碟料理，而且食物質素都幾好，性價比高，好值得大家去支持同幫襯下❣️
Post
