Achacha Food & Beverage Boutique (Closed)

我和朋友喜愛pizza，不過平時食的Pizza 形狀圓圓的已見怪不怪，最近朋友知道這間餐廳提供的pizza幾特別，所以約我一起來品嚐。餐廳位於商場的L5層，環境不錯，簡單裝修，優雅寧靜。Menu有套餐或者散叫，靈活性高，雖然選擇唔會太多樣，卻有很多很想食的東西，尤其是特登來食的法國pizza， 我們叫了這客沙律燒牛肉薄餅， pizza外形絕對唔係平時嘅樣子，真係好少見，我覺得兩種pizza各有特色，法式pizza也很香脆，薄切牛肉肉質嫩滑唔會亁身，加上三色椒更加健康，而伴碟的紫薯亦是健康之選。是日沙律係日式沙律做法，豆腐、木耳、蕃茄，醬汁同平時食開有啲唔同，有比較重嘅麻醬香味道。意大利雲吞芝士，芝士汁帶少少酸，比較稠但口感幼滑，雲吞有五隻，外皮煙韌，雲吞內入面有少少肉，整體幾好食。我們叫的熱果茶，無糖卻保持水果嘅淡淡甜香，內裏有奇異果、芒果，還有原粒提子添，有得啃有得飲 ，不錯。油封鴨腿法式薄餅，鴨肉香嫩帶咸香，肉厚但不嚡，油香滿溢，香橙汁減去油膩感，不俗。整體不錯，尤其食到之前未食過的法式pizza更加難忘。