好好便當 (Closed)

疫情關係，好耐無去旅行。好掛住台灣夜市的美食。冇得去台灣都要食台灣嘢過下口癮！之前搭車經過鰂魚涌的台灣餐廳［好好便當］，已經覺得佢門面裝修好有心思，好有台灣風味！今次終於有機會去「好好便當」試下佢啲嘢食。餐廳入面裝修得好似台灣夜市， 好似 去咗台灣咁。我同屋企人兩個叫左塔香鹽酥雞香菇滷肉便當、櫻花蝦餅肉燥乾拌麵、台灣香腸、蒜香豆腐、香酥雞排、冬瓜茶同荔枝紅茶。 加埋都唔使二百蚊， 感覺好抵食！ 我最鍾意佢哋嘅鹽酥雞， 好脆口， 又好夠味， 食完感覺好滿足！ 其他食品都一樣好好味， 煮完熱辣辣上碟！ 嗰陣職員仲好貼心， 估到我同屋企人係share食， 有問我哋使唔使幫我哋剪細啲嘢食， 等我哋容易啲分， 好好服務！