La Casa Burger & Pasta (文咸東街) (Closed)

係上環附近翻工，經過文咸東街會見到間細細地幾有歐洲感覺既小店。呢間鋪頭主打漢堡包同手工意粉，漢堡基本上你想食牛，豬，魚，雞定係素食都一定有一款岩你。薄切西冷漢堡 ($105)想食牛肉質感重既好岩食呢個漢堡，入面滿滿既薄切西冷，每咬一啖都食到好重既牛肉味，值得讚既係洋蔥醬同煙燻芝士好正，同個包好match!!墨西哥炸魚漢堡 ($68)好大塊炸魚呀，我外賣拎到翻去都仲係脆，食落係有小小辣辣地，唔怪之得叫墨西哥炸魚喇，好惹味！然後個醬係有牛油果同蕃茄，但係有個菜隔住，唔會令到個炸魚林咗，呢點鋪頭真係幾有心思。Dinner 跟餐加$30包個小食同飲品，我揀咗薯條，配個車打芝士醬，唔錯。