味 日本料理 (Closed)

尖沙咀一直係大家覓食嘅好地方，但估唔到有一間隱世日式料理小店隱藏咗喺海防道臨時熟食市場入面，今次就同朋友試一試😆我哋揀咗兩樣定食，都係廚師精選推介，分別係自家秘製雞湯日本咖喱飯同沖繩島豚軟骨煮配滔庭烏冬~自家秘製雞湯日本咖喱飯🍛咖喱香甜濃郁，好開胃，香濃得嚟唔辣，甘甜有層次，咖喱入面有薯仔🥔、紅蘿蔔🥕、洋蔥🧅 米飯粒粒分明，軟硬適中，而且汁夠多，撈飯一流！暗然銷魂燒叉燒叉燒表面有甜甜嘅蜜糖味，肉質軟嫩多汁，師傅自家秘製嘅醬汁令叉燒嘅肉香更濃郁，醃得好入味，同出面嘅叉燒好唔同，大家可以試一試呢個招牌菜式！沖繩島豚軟骨煮配滔庭烏冬 原味豬骨濃湯🍲豬軟骨入口即化，煮得好軟腍，好入味，而且好大件，可以食到啖啖骨膠原，我哋揀咗豬骨濃湯湯底，味道濃郁香甜，基本上冇太多嘅油脂，我哋都忍唔住飲晒，烏冬都好爽口彈牙！七色彩雲養顏沙律🥗呢個改名好得意，原來係綿滑嘅薯仔蓉同粟米粒，最啱前菜食🤤既然一場嚟到食日式料理，點可以唔試埋壽司，我哋叫咗玉子壽司，同埋呢度仲可以自選海鮮卷物~玉子壽司🥚玉子香甜可口，蛋味濃厚🤤自選海鮮卷物可以滿足大家唔同嘅喜好，海鮮可以三選一，分別有吉列海蝦🍤吉列蠔🦪軟殼蟹🦀 而卷面配料