Video
Read full review
2018-07-18
34 views
一向四圍覓食嘅我們，今次去到深水埗試吓特色地道嘅點心。喺門口已經見到點心圖片非常吸引，特別係我最鍾意食嘅XO醬炒蘿蔔糕，所以忍唔住入去試吓先。餐廳裝修以木為主，簡單而清新嘅氣派，牆上面仲掛住一兩部大電視，可以一邊食點心，一邊睇劇集。當然我最期待嘅XO醬蘿蔔糕終於來了，XO醬夾雜蘿蔔糕一齊炒，所以好有鑊氣之餘，食落去蘿蔔糕大大件，仲要外脆內軟，而且XO醬味道非常入味，大家係咁搶食。除此之外，仲有韓式辣醬炒腸粉，估唔到點心店都有韓式嘅點心產品推出。平時都鍾意食辣嘅我，酸酸甜甜嘅醬汁夾雜熱辣辣嘅腸粉一齊食，特別滋味。點心方面嘅蝦餃皮薄餡靚，而且入面嘅蝦肉好大隻，好有份量。除此之外，燒賣、鳳爪同埋牛肉球等味道同樣地非常新鮮，而且新鮮出爐熱辣辣，好好食。最後食埋脆皮馬拉糕同埋乾脆叉燒包之後，梗係要叫啲米飯食落肚啦，最後我哋揀選左鎮店之寶-珍寶蝦飯。珍寶蝦飯面頭有好多蒜蓉同埋開咗邊嘅大蝦，遠處已經聞到好香嘅味道，食落去飯粒質感好林，而且非常入味，飯香處處。大蝦食落去爽口彈牙，非常新鮮。仲有大蝦多士，面頭好多芝麻，食落去好香脆可口。最後埋單都只係＄300，我哋四個人食每人平均消費都只係＄80有找，價
一向四圍覓食嘅我們，今次去到深水埗試吓特色地道嘅點心。
喺門口已經見到點心圖片非常吸引，特別係我最鍾意食嘅XO醬炒蘿蔔糕，所以忍唔住入去試吓先。
餐廳裝修以木為主，簡單而清新嘅氣派，牆上面仲掛住一兩部大電視，可以一邊食點心，一邊睇劇集。
當然我最期待嘅XO醬蘿蔔糕終於來了，XO醬夾雜蘿蔔糕一齊炒，所以好有鑊氣之餘，食落去蘿蔔糕大大件，仲要外脆內軟，而且XO醬味道非常入味，大家係咁搶食。
除此之外，仲有韓式辣醬炒腸粉，估唔到點心店都有韓式嘅點心產品推出。平時都鍾意食辣嘅我，酸酸甜甜嘅醬汁夾雜熱辣辣嘅腸粉一齊食，特別滋味。
點心方面嘅蝦餃皮薄餡靚，而且入面嘅蝦肉好大隻，好有份量。
除此之外，燒賣、鳳爪同埋牛肉球等味道同樣地非常新鮮，而且新鮮出爐熱辣辣，好好食。最後食埋脆皮馬拉糕同埋乾脆叉燒包之後，梗係要叫啲米飯食落肚啦，最後我哋揀選左鎮店之寶-珍寶蝦飯。
珍寶蝦飯面頭有好多蒜蓉同埋開咗邊嘅大蝦，遠處已經聞到好香嘅味道，食落去飯粒質感好林，而且非常入味，飯香處處。大蝦食落去爽口彈牙，非常新鮮。
仲有大蝦多士，面頭好多芝麻，食落去好香脆可口。
最後埋單都只係＄300，我哋四個人食每人平均消費都只係＄80有找，價錢超值，而且位於深水埗鬧市區，屬於有質素、有心思嘅點心店。
Post
