森戶 (官塘立成大廈) (Closed)

兩個月前去食，當時6:00pm後禁堂食，第二客omakase 半價，見咁扺就去試下！我5點左右先去到，食得有啲趕，下次要再去慢慢品賞！我地叫左omakase $680 ，有壽司有刺身，再揀手卷or 烏冬。先上刺身四款，新鮮，好食，無雪味！之後到壽司，有8款，有啲壽司無影到相就食左主要由淡味到濃味，師傅會等你食完一件先上第二件，亦會介紹每款壽司的海產係咩嚟，好細心好nice。佢的壽司唔會好似出面啲連鎖集團咁hea一式一樣，呢度會有大魚雞，秋刀魚等等，可以一試，海膽都好新鮮，正！牛肉烏冬，都唔錯，不過食完壽司其實都好飽。最後有魚湯，有雪糕，好完美的句號。下次會再去！