Video
Read full review
2021-09-17
38 views
Beyond Coffee & Bar又一間耀華街嘅咖啡店，有別於依家大部份咖啡店嘅白色同木色格調，佢嘅門口好搶眼，深綠色配金色，入面就係水泥色配深綠色，佢嘅設計係方便可以掛上唔同嘅畫作，而佢嘅理念希望係喺唔同嘅時候可以同唔同嘅人合作，展出唔同嘅作品，而最近就係同一個非牟利機構「扶康會」合作，而牆上就係掛上扶康會會員畫嘅作品，所謂合作就係免費比佢哋掛上作品，遲啲仲會有義賣嘅時間，而咖啡店內亦擺放咗扶康會會員做嘅曲奇餅售賣，好欣賞佢哋係做生意之餘，係希望盡小小嘅力可以幫助及回饋到社會👍🏻👍🏻👍🏻而我只係路過俾佢門面吸引，入咗去想食個早餐，而佢負責嘅人就好樂意好開心咁去分享佢哋嘅諗法，真心希望大家都會得閒去支持下佢哋，等佢哋都可以繼續支持呢個社會唔同嘅階層🥰因為早餐佢哋只買pastry, 試咗佢哋嘅1. Scone $35- 可以配jam或者cream cheese, 我今次揀咗cream cheese，傳統英式scone配Cream cheese, 鬆化好味😋2. Black $42- 佢用哥倫比亞咖啡豆，比較nutty, 啱我口味👍🏻總括來講，佢係我會再去嘅coffee shop，我亦
又一間耀華街嘅咖啡店，有別於依家大部份咖啡店嘅白色同木色格調，佢嘅門口好搶眼，深綠色配金色，
入面就係水泥色配深綠色，佢嘅設計係方便可以掛上唔同嘅畫作，而佢嘅理念希望係喺唔同嘅時候可以同唔同嘅人合作，展出唔同嘅作品，而最近就係同一個非牟利機構「扶康會」合作，而牆上就係掛上扶康會會員畫嘅作品，所謂合作就係免費比佢哋掛上作品，遲啲仲會有義賣嘅時間，
而咖啡店內亦擺放咗扶康會會員做嘅曲奇餅售賣，好欣賞佢哋係做生意之餘，係希望盡小小嘅力可以幫助及回饋到社會👍🏻👍🏻👍🏻
而我只係路過俾佢門面吸引，入咗去想食個早餐，而佢負責嘅人就好樂意好開心咁去分享佢哋嘅諗法，真心希望大家都會得閒去支持下佢哋，等佢哋都可以繼續支持呢個社會唔同嘅階層🥰
因為早餐佢哋只買pastry, 試咗佢哋嘅
1. Scone $35
- 可以配jam或者cream cheese, 我今次揀咗cream cheese，傳統英式scone配Cream cheese, 鬆化好味😋
2. Black $42
- 佢用哥倫比亞咖啡豆，比較nutty, 啱我口味👍🏻
總括來講，佢係我會再去嘅coffee shop，我亦見佢有一啲有氣coffee好鬼靚😍下次一定要試吓
Post
