龍門小棧 (Closed)

台灣麵、日本麵我地就成日食，今次想食下其他野，就搵左呢間係上海麵食，好耐都冇食過酸辣湯了。好，坐低睇吓有咩好食先。紅燒燜肉麵，一黎到見到個麵，一梳梳放得好整齊，個上海師父真係好有心機處理麵食。個紅燒肉半肥瘦，食落軟腍豬肉味重。個梅菜都有入味，撈落個湯底好正！酸辣湯麵，微酸微辣，濃稠嘅湯底，裡面嘅冬菇、豆腐、蘆筍切成條狀。而麵食用上陽春麵，麵質比較滑身。花雕醉雞，酒味夠香，雞件夠滑。金網窩貼，又肥又大隻嘅餃子，底下係煎脆卜卜嘅金網，上面juicy下面香口。飲品就叫左豆漿和蜂蜜柚子茶。