Heart Bar & Restaurant (Closed)

今次呢間係位於佐敦嘅一間西餐廳，開業唔夠一年都已經有一班熟客仔，全因為餐廳真係同個名一樣好有心做。餐廳設計乾淨舒服，有一種有氣息時尚嘅氣氛。餐牌每個禮拜都會更新，價錢以同區黎講絕對係抵食之選。餐廳員工好有心，由入座到點餐都好好服務，確實係好有Heart去照顧住每檯嘅客人。餐廳最近仲不斷佈置緊特別嘅位置，勁有驚喜下，老闆幫我地影左張相仲要曬左張靚靚嘅相，曬出黎即時送左比我地，幾有驚喜。另外老細見我係咁用電話，仲特登比左個手機架比我放，真係勁有心。先有個餐湯，今日餐湯係雜菜薯仔湯。湯味都好濃郁，雜菜嘅香甜味煮晒出黎而且飲落滑身，少少酸甜幾清新開胃。日式浦燒鰻魚粟米炒飯 $89 大大碟嘅炒飯，炒飯唔太油幾好。鰻魚粒都好多，用上珍珠米飯食落粒粒都飽滿有彈性咬口。味道適中唔會太鹹，鰻魚嘅味道都好香。香煎英國走地豬扒配珍珠薯仔伴普羅旺斯菜 $158 望到已經覺得吸引，因為豬扒表面望落煎得好香脆，油脂分佈得好平均。配菜有沙律火箭菜同普羅旺斯菜，酸甜嘅甜度唔會太嗆，入味嘅紅黃椒同青瓜愈食愈開胃。豬扒切落去有脆身效果，食落口感表面脆身肉質香稔有彈性，肥油位置香，配上少少酸甜嘅普羅旺斯菜其實都幾解到油膩感