Video
Read full review
2021-03-18
968 views
晚市管制不停地修改，多月冇見XO仔嘅Auntie R為咗要補派利是，所以就專登揀咗個中午黎灣仔見小肥一面，仲好客氣地喺友人推介嘅「Elmo's Bistro & Bar」請食晏。店子門外有個懷舊嘅粉紅色信箱，甚有歐陸式風情。兩層高嘅餐廳有三個室外座，相信係為煙民而設，門旁個綠色桶桶則勁有芝麻街嘅影子。外牆雖塗上彩色嘅圖案，但於佈滿紅、藍、綠、黃屋嘅石水渠街上則變得唔係咁起眼。樓底高高嘅地下層一邊為開放式廚房及水吧，另一邊則排出二至四人嘅高櫈吧位散座，望上天花可見簡單吊燈及牛頭裝飾，莫非係襯返牛年新添置嘅？！眼見磚牆上嘅燈飾帶住米高佐敦頂帽，店主明顯同為球迷，感覺份外親切。三頁飲品項目大多分為歡樂時光及非歡樂價格。雖則中午時份屬非歡樂時光，但因室外氣溫高達二十八度，小肥當然係要啤一啤佢降溫啦！嘻嘻，端莊嘅長輩就叫咗杯Espresso Martini（$120/杯）襯托返。據悉，以黑板寫出嘅午市套餐主菜每天不同，要視乎朝早大廚買到咩食材及其心情而定。西式自助餐具可於餐桌上找到。Auntie所點嘅「Taiwanese Style Spicy Clams Noodle」（$98）屬香辣之選。得
店子門外有個懷舊嘅粉紅色信箱，甚有歐陸式風情。
兩層高嘅餐廳有三個室外座，相信係為煙民而設，門旁個綠色桶桶則勁有芝麻街嘅影子。外牆雖塗上彩色嘅圖案，但於佈滿紅、藍、綠、黃屋嘅石水渠街上則變得唔係咁起眼。
樓底高高嘅地下層一邊為開放式廚房及水吧，另一邊則排出二至四人嘅高櫈吧位散座，望上天花可見簡單吊燈及牛頭裝飾，莫非係襯返牛年新添置嘅？！
眼見磚牆上嘅燈飾帶住米高佐敦頂帽，店主明顯同為球迷，感覺份外親切。
三頁飲品項目大多分為歡樂時光及非歡樂價格。
雖則中午時份屬非歡樂時光，但因室外氣溫高達二十八度，小肥當然係要啤一啤佢降溫啦！嘻嘻，端莊嘅長輩就叫咗杯Espresso Martini（$120/杯）襯托返。
Estrella Damm + Espresso Martini
$188
21 views
1 likes
0 comments
西式自助餐具可於餐桌上找到。
Auntie所點嘅「Taiwanese Style Spicy Clams Noodle」（$98）屬香辣之選。
得知小肥不能進食薯蓉，但又想試「Pan Seared Duck Breast with Mashed Potato」（$118），主廚哥哥即主動提出將薯蓉換上雜菜，確真令人感動！之後先發現原來零架子嘅佢就係Elmo老闆！
Pan Seared Duck Breast with Vegetables（$118）
$118
9 views
1 likes
0 comments
Pan Seared Duck Breast with Vegetables
$118
10 views
1 likes
0 comments
Post
