Video
Read full review
2009-05-05
24 views
4-5-2009從 Facebook 得知呢間「酒店中菜廳」做緊半價, 趁食友搞局跟埋0黎試試.前菜 #1 雪菜豆瓣酥: 仲以為係 wasabi 原來係落了雪菜的 mashed 豆, 味香濃, 清新中帶點麻油香; 面頭一條條的就係 "hor ti" (即係乜: http://www.openrice.com/restaurant/commentdetail.htm?commentid=1955314), 十分香, 好食.前菜 #2 椒鹽雞軟骨: 脆卜卜鹹鹹香香, 唔算油, 椒鹽夠亦頗哽, 食多兩粒喉嚨都痕埋. 桂花糯米藕片: 炸漿薄薄一層, 中間藕片清香又 sok sok 聲, 糯米就腍腍軟軟, 食落又鹹又甜, 有點 R 頭, 不過幾好食的.前菜 #3 醉鴿: 只食了一件「翼」位置, 肉嫩, 酒味就淡淡的; 食友們就話較好肉地的「身」部分酒味好勁...西瓜老鴨燉湯: 用西瓜煲湯真係第一次飲... 湯無油, 帶淡淡鴨羶味, 味道好甜好潤, 呢個好好飲! 煲過的西瓜食落就帶點黏滑, 幾得意.稻草炆西施骨: 呢度「名物」, 離遠已經聞到好香的「草」味, 劏開後入面就
從 Facebook 得知呢間「酒店中菜廳」做緊半價, 趁食友搞局跟埋0黎試試.
前菜 #1 雪菜豆瓣酥: 仲以為係 wasabi 原來係落了雪菜的 mashed 豆, 味香濃, 清新中帶點麻油香; 面頭一條條的就係 "hor ti" (即係乜: http://www.openrice.com/restaurant/commentdetail.htm?commentid=1955314), 十分香, 好食.
前菜 #2 椒鹽雞軟骨: 脆卜卜鹹鹹香香, 唔算油, 椒鹽夠亦頗哽, 食多兩粒喉嚨都痕埋.
桂花糯米藕片: 炸漿薄薄一層, 中間藕片清香又 sok sok 聲, 糯米就腍腍軟軟, 食落又鹹又甜, 有點 R 頭, 不過幾好食的.
前菜 #3 醉鴿: 只食了一件「翼」位置, 肉嫩, 酒味就淡淡的; 食友們就話較好肉地的「身」部分酒味好勁...
西瓜老鴨燉湯: 用西瓜煲湯真係第一次飲... 湯無油, 帶淡淡鴨羶味, 味道好甜好潤, 呢個好好飲! 煲過的西瓜食落就帶點黏滑, 幾得意.
稻草炆西施骨: 呢度「名物」, 離遠已經聞到好香的「草」味, 劏開後入面就係鬆化味道又好「草」的肥及瘦肉, 加埋醬汁, 好食!
芝麻蝦球: 沙律蝦球 + 西蘭花, 蝦球夠晒爽脆, 不過沙律汁稍稀, 味道太甜, 呢個我麻麻.
焗釀生拆蟹蓋: 焗得頗香口, 白汁, 磨菇, 洋蔥之類混入少量蟹肉蟹膏, 好似食緊雞批, 哈哈. 呢度的 (http://www.openrice.com/restaurant/commentdetail.htm?commentid=1898186) 比佢好食好多...
百花片皮雞: 一件件「骨牌」狀的「芝麻雞皮蝦膠 finger sandwich」, 賣相幾精緻, 食落就只食到雞皮勁脆及蝦膠好彈牙, 要落點酸甜雞醬, 不然無乜味道.
子蘿咕嚕肉: 落了子薑的咕嚕汁味道幾特別, 不過比較杰比較糊口, 炸漿又唔脆, 麻麻0地鍾意.
煎釀鯪魚: 又0黎... 呢個多肉又多骨, 食落腍腍的, 加了汁味道仍然淡, 感覺一般.
鹹魚蒸肉餅: 送飯一流的一道菜, 肉餅頗實, 不過加埋鹹魚的香, 都 ok 的.
「四喜花素」: 係冬菇, 草菇, 芥蘭及菜膽, 清源之選; 之前又鹹又酸又甜, 清清味蕾不錯.
荷葉飯: 乾乾爽爽, 粒粒分明, 帶淡淡葉香, 唔錯.
最後的芒果布甸呈鯉魚形, 幾靚, 配上椰汁 (?), 食味就普通.
食物幾有心, 環境及服務亦好好, 不過呢度始終係酒店, 配套好都唔出奇吧.
多謝惡男安排.
Post
