Video
Read full review
2015-10-10
1955 views
成世女都未食過私房菜, 今次一試令到小妹覺得私房菜好精緻好有特色, 唔係平常可以食到, 怪唔得有說"人生要食一次私房菜"啦! 小妹同朋友經脊係觀塘搵食, 唔少樓上工廈的小店咖啡店都試過, 唔少都走大眾化口味, 今次推介三姐都係走大眾平民路線, 絕對係酒樓中菜館以外的一項好好選擇。真心覺得工廠大廈裡有這般高質私房菜好唔簡單同埋經營者心思唔少同兩個同事一入去就有一股清新的氣息, 原來三姐自家水耕菜就整齊排列在門口附近小妹第一次見私房菜自己生產新鮮菜, 因為一般都係掛名而真實情況係不得而知, 水管一排排, 隔離就係把新鮮摘下的時蔬雪藏, 包你無得質疑佢新唔新鮮! 廚房即時摘下即時煮, 問你服未!!三姐地方簡潔, 佈置得好似貼近自然的感覺, 因為佢主要係有機同新鮮原材料, 食得自然舒服小妹一入去就要搵地方洗手準備食野, 誤闖左出露台位, 竟然俾小妹發現左好寬闊的露台位原來係for 吸煙人士出黎傾傾計而又唔影響人。都OK啵其實小妹同同事食左好多味菜, 但當中最深刻有幾款想特別分享一下嬉水芙蓉應該係招牌菜之一, 小妹特別要讚一下, 事關成個菜充滿驚喜!! 底層蒸蛋白係滑溜, 小妹食得出係農
小妹同朋友經脊係觀塘搵食, 唔少樓上工廈的小店咖啡店都試過, 唔少都走大眾化口味, 今次推介三姐都係走大眾平民路線, 絕對係酒樓中菜館以外的一項好好選擇。
真心覺得工廠大廈裡有這般高質私房菜好唔簡單同埋經營者心思唔少
同兩個同事一入去就有一股清新的氣息, 原來三姐自家水耕菜就整齊排列在門口附近
小妹第一次見私房菜自己生產新鮮菜, 因為一般都係掛名而真實情況係不得而知, 水管一排排, 隔離就係把新鮮摘下的時蔬雪藏, 包你無得質疑佢新唔新鮮! 廚房即時摘下即時煮, 問你服未!!
三姐地方簡潔, 佈置得好似貼近自然的感覺, 因為佢主要係有機同新鮮原材料, 食得自然舒服
小妹一入去就要搵地方洗手準備食野, 誤闖左出露台位, 竟然俾小妹發現左好寬闊的露台位原來係for 吸煙人士出黎傾傾計而又唔影響人。都OK啵
其實小妹同同事食左好多味菜, 但當中最深刻有幾款想特別分享一下
嬉水芙蓉應該係招牌菜之一, 小妹特別要讚一下, 事關成個菜充滿驚喜!! 底層蒸蛋白係滑溜, 小妹食得出係農場雞蛋, 點解?因為同事掛住食其他菜, 把這味菜放在一邊好耐都唔出水就知道佢係非一般的, 而小妹聽同事講有朋友食唔哂拎返屋企第二日拎微波爐番熱, 佢一樣可以同當下食一樣咁好食! 同埋係口感一致- 滑! 真係唔簡單!! 而面頭一層汁係鮮榨甘筍汁, 難怪味道好清香, 撈埋蛋白食口感勁似豆腐花! 真係好食! on top 係大大舊帶子, 厚肉就一定, 擺得好靚, 成個感覺好高級, 好似來自高級酒店的菜式般
燉湯方面小妹揀左海底椰燉噩魚肉, 這個湯好清甜! 口味好大眾化, 無時間煲湯的朋友絕對可以透過私房菜的湯水補補身, 而當中材料亦都係好多 , 香味當然有, 你用湯匙撈起材料, 見到一舊舊原粒原隻材料
飲完是滿足的!
小妹覺得仲有樣霸氣菜式就係茶燻流心蛋!!又係真心正正子 , 因為佢用左鴨蛋整煙燻效果, 流心令到個黃咸香之餘溶溶地, 真係好好味, 相信好多朋友一試就會愛上! 加上佢用茄子伴底, 令到食完黃唔洗飲水個口都唔油! 因為這個菜屬於上海菜, 唔係好多餐廳識整, 佢用茶燻其實都係想茶香滲入蛋裡面, 只係填相已經可以拍得住高級中菜館, 所以真係好值得試!!
遠年陳皮骨係一道自家創作成分好高的一味菜式, 十幾年陳皮啦配上話梅粉, 引發出酸甜酸甜感覺, 小妹之前從未未想過可以咁樣整排骨食, 亦未係其他餐廳食過, 所以都好讚賞三姐! 排骨方面因為同事係觀塘人,佢話三姐成日係附近一間街坊肉檔取貨, 而用的就是黑毛豬, 而小妹覺得排骨味道有特色而唔會太老太乾, 肉質的口感剛好, 唔錯!
臨完場前, 我地當然黎個菜苗啦, 上湯浸菜苗, 用左新鮮的唆囉魚煮上湯, 小妹睇到上湯係奶白色好滑好甜, 因為唆囉魚好盞鬼, 唔新鮮的煮湯會變黑色, 所以三姐用的應該是很新鮮的了!! 令到湯底好滑溜, 唔同出面普通酒家用淡奶開水扮上湯, 再配上新解有機菜苗, 嗯嗯, 食到咁, 就好圓滿!
最後菜館重本包意大利雪糕, 同事話出去食都要幾十蚊一杯, 的確香, 濃, 滑, 小妹特別鍾愛抹茶味雪糕
好香滑呀!
嬉水芙蓉
21 views
0 likes
0 comments
茶燻流心蛋
26 views
0 likes
0 comments
Post
