Video
Read full review
2010-01-25
32 views
生日月份, 朋友俾面又有飯局. 知我麻煩, 想試新野. 今次特登帶我黎呢度...一路行, 經過好多辣蟹鋪頭, 仲諗住係去食辣蟹添... 之後先發現.. 原來有間Robata, 細細間, 典型爐端燒格局.去嘆爐端燒, 就多數會邊食邊叫.. 食下又叫下... 咁先啱 feel... 不過今次事前未知去邊度, 所以冇做功課... 憑直覺, 見乜點乜... 包括左..- 螢光魷魚漬- 燒雞泡魚乾- 煙肉年糕串- 梅子醬雞串- 雞翼串- 雞心串- 免治雞肉棒- 甜面豉醬燒茄子- 燒明太子飯團- 燒牛舌- 芝士年糕- 炸牛肉薯餅- 清酒平時佐酒小食, 簡單d 叫個芥辣八爪魚多數穩陣. 不過, 朋友介紹得黎呢度食, 應非泛泛之輩, 所以要試就試有d 難度嘅螢光魷魚漬. 呢碟野, 好易好腥, 我都中幾多次招. 今次終於又食到好貨色!! 原條魷魚, 有5-6條, 像尾指般大小相若. 伴一點點薑蓉, 食落去有一種強烈嘅鹹鮮. 魷魚漬就係咁先好食. 雞泡魚乾輕輕燒過, 不過味道跟平常居酒屋叫的分別不大. 咬勁十足, 人人都會叫(起碼我同其他friend食, 佢地次次都會點.) 不過我就始終未食過一間特別出眾
一路行, 經過好多辣蟹鋪頭, 仲諗住係去食辣蟹添... 之後先發現.. 原來有間Robata, 細細間, 典型爐端燒格局.
去嘆爐端燒, 就多數會邊食邊叫.. 食下又叫下... 咁先啱 feel... 不過今次事前未知去邊度, 所以冇做功課... 憑直覺, 見乜點乜... 包括左..
- 螢光魷魚漬
- 燒雞泡魚乾
- 煙肉年糕串
- 梅子醬雞串
- 雞翼串
- 雞心串
- 免治雞肉棒
- 甜面豉醬燒茄子
- 燒明太子飯團
- 燒牛舌
- 芝士年糕
- 炸牛肉薯餅
- 清酒
平時佐酒小食, 簡單d 叫個芥辣八爪魚多數穩陣. 不過, 朋友介紹得黎呢度食, 應非泛泛之輩, 所以要試就試有d 難度嘅螢光魷魚漬. 呢碟野, 好易好腥, 我都中幾多次招. 今次終於又食到好貨色!! 原條魷魚, 有5-6條, 像尾指般大小相若. 伴一點點薑蓉, 食落去有一種強烈嘅鹹鮮. 魷魚漬就係咁先好食.
雞泡魚乾輕輕燒過, 不過味道跟平常居酒屋叫的分別不大. 咬勁十足, 人人都會叫(起碼我同其他friend食, 佢地次次都會點.) 不過我就始終未食過一間特別出眾. 一片普遍魚乾罷了.
串燒三兄弟(雞心, 梅醬雞肉, 煙肉年糕) 跟住上場. 雞心燒得很不錯. 外面脆脆的, 入面依然juicy. 梅醬雞肉串, 眼見梅醬唧o係上面, 但一d 都食唔出. 煙肉年糕反而係最出色. 年糕很軟, 加上油從煙肉燒出來, 令呢片年糕多左一d 肉香.
燒雞翼, 皮很香脆, 但雞肉略嫌乾了一點. 個人問題罷了. 食過哂榮川, 一門, 禮鮨, 原澗.. 味道都係唔夠Pub d buffalo / honey garlic wings正. 同牛油炸雞翼比就更加差天共地... 始終鹽燒就係鹽燒... 希望我會遇上令我改觀嘅鹽燒雞翼啦.
免治雞肉棒會成為左我下次再訪和居和居嘅原因. 侍應第一件事就問我加唔加雞蛋. Huh?! 加囉... 食串燒加雞蛋, 我腦海就係諗住加蛋汁燒(玉子雞肉棒?!). 一上到枱. 即刻呆一呆 (大家睇一睇相就知). 其一就係呢串野點會咁大件架?! 食開串燒都係差不多size, 呢舊野同平時d Corndog一樣咁大舊架喎! 另外加雞蛋, 就真係加隻生雞蛋打落隻碟度俾你. 當然, 新鮮事我特別感興趣, 唔試點知好唔好?! Super-sized 嘅免治雞肉球做得相當出色. 相比坊間d 免治雞串, 肉厚彌補到佢地以往偏乾嘅問題. 加上免治肉製作過程可以令到肉汁比起雞柳更多. 肉質爽口彈牙, 又不失爐端燒那種烤肉香味. 生雞蛋係用黎同醬汁撈埋一齊, 再點黎食... 燒汁加上雞蛋, 更加香滑. 又學會一種新食法~
燒茄子塗上甜麵豉醬, 與一些較正宗的居酒屋味道相若. .醬汁稍稍重手了一點. '榮川'做得比較好. 燒牛舌亦吃不出有什麼驚喜之處. 沒有濃郁的肉味, 也沒有特色醬汁. 這樣鹽燒的話, 厚切比較合我心意.
燒飯團, 友人提議加明太子. 不錯的選擇. 表面被燒得金黃色, 脆脆的. 吃下去, 全靠明太子帶出的一點點海產鹹味, 令這舊飯的味道不會過於單調.
芝士年糕同牛肉薯餅都係後加的. 前者芝士很香, 年糕很軟.. 微微燒過嘅年糕面, 加多一點香脆口感. 牛肉薯餅乃漢堡牛肉, 雖然以自家大名作招徠, 但味道又好像不到那種層次. 想起炸物中的漢堡牛肉, 都是'豚組'那鵝肝漢堡較令人回味.
p.s. 是晚員工招呼算是不錯. 對答亦很有性格. 呢d 有性格嘅食店, 啱 key 嘅話, 同佢有傾有講, 你會覺得d 野特別好食. 當然, 有好有唔好. 你識朋友都唔係個個同你都啱 key 啦. 同個唔啱 key 嘅人食飯, 幾好食都打左折扣啦, 哈哈~
Post
