Video
Read full review
2021-10-25
43 views
今晚同男朋友打算搵個有情調嘅地方拍下拖，之前朋友介紹呢間餐廳嘅室外位置幾唔錯，而且最近天氣涼涼地坐出面都應該會幾舒服，所以就嚟咗呢度啦。一出lift門口已經好暗，搵咗一陣個門口先入到去，果然夠晒情調🤣🤣 大家上到去轉右直行就會搵到入口。好難得有餐廳會有鞦韆位，我就梗係要坐下啦，餐廳嘅樓層都唔矮，所以居高臨下既景觀好正。嚟到呢啲地方必然要叫杯Cocktail 㗎啦，我叫咗杯the firmament賣相唔錯，但係鍾意飲甜Cocktail嘅我就覺得唔夠甜啦，如果多少少果汁嘅味道就好啦。前菜叫咗紀之川海膽吐司，海膽配吐司一啖可以食曬，一啖就可以食到豐富嘅口感，吐司幾鬆軟，海膽夠新鮮唔會有腥味。另一份小食叫咗韓式炸雞配辣醬及蛋黃醬，炸雞件份量唔少，食落幾香口，仲可以配埋泡菜同唔同醬汁食。主菜叫咗香烤M5澳洲和牛（300g)，我本人就唔係咁鍾意食牛嘅因為成日覺得好難咬，但男朋友中意食所以就試吓佢啦。好彩呢度嘅M5澳洲和牛有水準，食得出係和牛嘅質素，有牛味之餘亦都好容易咬，夠juicy多汁，唔使點醬都已經好食。另一份主菜叫咗特濃芝士意式火腿忌廉蜆殼粉，唔多餐廳有得食蜆殻粉，所以我覺得都好特別，蜆殼
一出lift門口已經好暗，搵咗一陣個門口先入到去，果然夠晒情調🤣🤣 大家上到去轉右直行就會搵到入口。
好難得有餐廳會有鞦韆位，我就梗係要坐下啦，餐廳嘅樓層都唔矮，所以居高臨下既景觀好正。
嚟到呢啲地方必然要叫杯Cocktail 㗎啦，我叫咗杯the firmament
賣相唔錯，但係鍾意飲甜Cocktail嘅我就覺得唔夠甜啦，如果多少少果汁嘅味道就好啦。
前菜叫咗紀之川海膽吐司，海膽配吐司一啖可以食曬，一啖就可以食到豐富嘅口感，吐司幾鬆軟，海膽夠新鮮唔會有腥味。
另一份小食叫咗韓式炸雞配辣醬及蛋黃醬，炸雞件份量唔少，食落幾香口，仲可以配埋泡菜同唔同醬汁食。
主菜叫咗香烤M5澳洲和牛（300g)，我本人就唔係咁鍾意食牛嘅因為成日覺得好難咬，但男朋友中意食所以就試吓佢啦。好彩呢度嘅M5澳洲和牛有水準，食得出係和牛嘅質素，有牛味之餘亦都好容易咬，夠juicy多汁，唔使點醬都已經好食。
另一份主菜叫咗特濃芝士意式火腿忌廉蜆殼粉
，唔多餐廳有得食蜆殻粉，所以我覺得都好特別，蜆殼粉嘅形狀令到佢好掛汁，食到好creamy，雖然份量唔算好多但係都足夠飽肚嘅。
呢度真係好適合情侶拍拖，望住呢一個景觀無論食啲咩都會覺得更加好味，推薦情侶過嚟一定要坐戶外，真係好chill。
Post
