Video
Read full review
2016-03-17
555 views
今日係白色情人節，老公早早就book好左餐廳同我慶祝。Gees入面都幾靚，有分上層同下層，下層主要比人飲下野，幾張bar枱，而上層就係食野既餐廳，仲可以搭lift上。 入到去覺得幾有情調，播住英文歌，燈光昏暗，仲有個房仔好似private room咁。但店內座位唔多，所以建議想黎要預先book定枱。 menu唔算好多野揀，有中英文版，不過冇set，要散叫。 餐包有三款唔同既包，左上面薄薄一片既食落口脆脆地，沾埋牛油好香，而右面圓圓地既餐包都焗得好鬆軟，帶少少香草既味道，而啡色嗰塊有d似竹碳包。 醃塔斯曼尼亞三文魚 $118揀左2款前菜試下，伴碟有唔同顏色既蕃茄同沙律菜，食落去都幾新鮮，三文魚外層被煎香了，入口既魚肉較腍身，配埋d沙律菜食味道都好夾。 Gees自家製黃金蟹餅 $118蟹餅被炸到金黃色，一切開入面就見到一絲絲既蟹肉，而蟹餅入面全部都係蟹肉，完全食唔到殼，一面食一面喺度諗師傅點樣可以拆到咁多蟹肉出黎，而且煮完都唔會令到蟹肉鬆散，啱晒鍾意食蟹又懶得拆殼嘅人。蟹肉入口鮮甜，食到有蟹味，真材實料。 美國頂級風乾西冷扒(9安士) $398伴碟有黑蒜，燒薯仔同燒露荀，估唔到竟然有
Gees入面都幾靚，有分上層同下層，下層主要比人飲下野，幾張bar枱，而上層就係食野既餐廳，仲可以搭lift上。
入到去覺得幾有情調，播住英文歌，燈光昏暗，仲有個房仔好似private room咁。但店內座位唔多，所以建議想黎要預先book定枱。
menu唔算好多野揀，有中英文版，不過冇set，要散叫。
餐包有三款唔同既包，左上面薄薄一片既食落口脆脆地，沾埋牛油好香，而右面圓圓地既餐包都焗得好鬆軟，帶少少香草既味道，而啡色嗰塊有d似竹碳包。
醃塔斯曼尼亞三文魚 $118揀左2款前菜試下，伴碟有唔同顏色既蕃茄同沙律菜，食落去都幾新鮮，三文魚外層被煎香了，入口既魚肉較腍身，配埋d沙律菜食味道都好夾。
Gees自家製黃金蟹餅 $118蟹餅被炸到金黃色，一切開入面就見到一絲絲既蟹肉，而蟹餅入面全部都係蟹肉，完全食唔到殼，一面食一面喺度諗師傅點樣可以拆到咁多蟹肉出黎，而且煮完都唔會令到蟹肉鬆散，啱晒鍾意食蟹又懶得拆殼嘅人。蟹肉入口鮮甜，食到有蟹味，真材實料。
美國頂級風乾西冷扒(9安士) $398伴碟有黑蒜，燒薯仔同燒露荀，估唔到竟然有黑蒜可以食，味道都幾濃，而露荀係粗身，燒得幾香口，入口好清甜多汁。
西冷扒揀左5成熟，真係好好食，廚師煮得剛剛好，牛扒嫩滑無比，唔似一般既平價貨，唔怪得稱為頂級，無需要點任何醬汁已經好有牛味，另配有少許鹽，沾上的話令牛扒味更錦上添花。
牛肝菌及什菌意大利飯 $68 意大利飯呈杰杰地，飯粒少許硬身，入口有少許什菌的味道，食埋個飯呢餐就飽哂肚。
法式焦糖燉蛋伴牛油核桃雪糕 $60外層脆既焦糖味幾濃，入面既蛋都幾香滑，如果熱d會好食d。而核桃雪糕都甜甜地，好有咬口。
白色情人節食到咁美味而又浪漫既一餐，非常開心。
Other Info. :
去廁所時發現餐廳廁所係自動坐廁😂😂第一次見，好新奇！
(The above review is the personal opinion of a user which does not represent OpenRice's point of view.)
Post
