Video
Read full review
2017-08-29
3024 views
有咩灰得過星期日放假就打風，星期一就要冒住大雨去返工為咗踢走非常嚴重嘅Monday Blue，我哋收工決定去食餐好嘅我地今次有備而來，為咗避免無位，中午就打咗去灣仔新記旗下嘅西餐廳Otto Restaurant訂位一入到餐廳，燈光好昏暗，每枱都有蠟燭，好有情調餐牌簡簡單單，主要供應套餐，啱哂有選擇困難症嘅人先上餐包餐包普普通通，脆脆麵包條幾好食，最正係嗰兜松露牛油，大大咁提升咗大家食麵包嘅興趣餐前小食我揀咗煙三文魚凱撒沙律煙三文魚幾有口感，沙律菜新鮮爽口，不過我覺得醬汁比較多，感覺有小小膩。老公個餐前小食係鮮帶子他他賣相非常精緻！我試咗一啖，鮮帶子他他好鮮甜，小小嘅黑魚子更加係提升左帶子嘅鮮味我哋大家都揀咗野菌湯野菌湯嘅黑松露香味好突出，湯入面有細碎嘅菇粒，仲有一隻蠔，囗感同味道都好豐富跟住到米紙包鴨肝多士伴無花果呢個小食賣相又係好精美米紙包住鴨肝煎香，下面係一片鮮無花果，底層係一塊脆多士。鴨肝油脂豐腴，包咗米紙口感更加外脆內軟，入口即溶；無花果味道酸甜，減低鴨肝的邪惡感；連脆多士一起送入口，三種口感，三種味道，好食到不得了食完頭三個course，侍應送上青檸雪芭，非常refreshi
為咗踢走非常嚴重嘅Monday Blue，我哋收工決定去食餐好嘅
我地今次有備而來，為咗避免無位，中午就打咗去灣仔新記旗下嘅西餐廳Otto Restaurant訂位
一入到餐廳，燈光好昏暗，每枱都有蠟燭，好有情調
餐牌簡簡單單，主要供應套餐，啱哂有選擇困難症嘅人
先上餐包
餐包普普通通，脆脆麵包條幾好食，最正係嗰兜松露牛油，大大咁提升咗大家食麵包嘅興趣
餐前小食我揀咗煙三文魚凱撒沙律
煙三文魚凱撒沙律
12 views
0 likes
0 comments
煙三文魚幾有口感，沙律菜新鮮爽口，不過我覺得醬汁比較多，感覺有小小膩。
老公個餐前小食係鮮帶子他他
煎帶子他他
9 views
0 likes
0 comments
賣相非常精緻！我試咗一啖，鮮帶子他他好鮮甜，小小嘅黑魚子更加係提升左帶子嘅鮮味
我哋大家都揀咗野菌湯
黑松露鮮蠔野菌湯
9 views
0 likes
0 comments
野菌湯嘅黑松露香味好突出，湯入面有細碎嘅菇粒，仲有一隻蠔，囗感同味道都好豐富
跟住到米紙包鴨肝多士伴無花果
米紙包鴨肝多士伴無花果
14 views
0 likes
0 comments
米紙包住鴨肝煎香，下面係一片鮮無花果，底層係一塊脆多士。鴨肝油脂豐腴，包咗米紙口感更加外脆內軟，入口即溶；無花果味道酸甜，減低鴨肝的邪惡感；連脆多士一起送入口，三種口感，三種味道，好食到不得了
食完頭三個course，侍應送上青檸雪芭，非常refreshing
呢度嘅主菜非常出色！
我揀咗蜜糖果仁焗紐西蘭羊鞍
蜜糖果仁焗紐西蘭羊鞍
14 views
0 likes
0 comments
羊鞍擺盤有心思，配菜顏色鮮艷，仲有黑松露燒汁伴碟，真係色香味俱全
羊鞍顏色粉嫰，食落口感好嫰滑，羊味唔算好濃；其實件羊鞍就咁食已經好好味，不過如果鍾意食濃味少少，就可以再點少少黑松露燒汁
面層嘅蜜糖果仁碎則令呢個菜式口感更豐富！
老公揀咗最貴嘅九州鹿兒島A4和牛伴和牛意大利飯，淨係聽個名已經覺得好巴閉
和牛放係一塊鹽板上面，靠塊肉嘅熱力整溶啲鹽，所以放得越耐味道就會越咸！
試咗一件，和牛堅係入口即溶，而且牛味道濃郁，食完都覺得齒頰留香
不過，由於脂肪好多，如果食哂成碟可能會有啲滯
一餐完美嘅晚餐同當然要有一個美味嘅甜品
我地揀咗朱古力蛋糕，可可味道濃醇，整體唔會太甜，好啱我口味
再黎一壺伯爵茶，呷兩啖，真係一餐非常滿意嘅晚餐
Post
