Video
Read full review
2021-06-16
91 views
2021年6月7日 星期一今日放咗工之後同老婆打算出街食飯，於是就喺網上面搵下有咩餐廳好食，竟然俾我發現呢間餐廳，由於位置處於告士打道，無諗到嗰度都會有餐廳，通常都較容易忽略，所以一直以來都未試過，就直接去睇下可唔可以walk in由於我哋去嘅時間尚早，所以餐廳仍然有位置，見到裝修得好有氣氛，最岩情侶拍拖一齊去餐廳主要係食意大利菜，所以餐牌上面都有各式各樣嘅意大利菜式，價錢都唔算太貴，仲有好多款式可以選擇，甚至連沙律都有五款添，最後我哋要咗兩個主菜同一個小食小食方面呢一款係脆炸蠔菇，屬於菇類嘅其中一種，比起雞髀菇幼身少少，外皮炸得好香脆，但係咬落去仍然充滿水份，點埋沙律醬或者酸辣醬都一樣滋味之後有pizza，我哋選擇左夏威夷薄餅，餡料有巴馬火腿、菠蘿蜜餞、水牛芝士同番茄醬等等，烤得非常香，每一啖都食到唔同既餡料，既食到蕃茄醬嘅酸味，又食到菠蘿蜜餞既甜味，酸酸甜甜，味道配合得啱啱好，真係有夏日嘅感覺另一個主菜就係美國牛肉芝士漢堡配炸番薯條，原本淨係諗住漢堡裏面嘅配料只有牛肉同芝士，但係竟然仲有荷包蛋，而且仍然保持流心狀態，一切落去蛋汁就流落去下面嘅牛肉同麵包到，一啖咬落口會食到蛋汁同牛肉
今日放咗工之後同老婆打算出街食飯，於是就喺網上面搵下有咩餐廳好食，竟然俾我發現呢間餐廳，由於位置處於告士打道，無諗到嗰度都會有餐廳，通常都較容易忽略，所以一直以來都未試過，就直接去睇下可唔可以walk in
由於我哋去嘅時間尚早，所以餐廳仍然有位置，見到裝修得好有氣氛，最岩情侶拍拖一齊去
餐廳主要係食意大利菜，所以餐牌上面都有各式各樣嘅意大利菜式，價錢都唔算太貴，仲有好多款式可以選擇，甚至連沙律都有五款添，最後我哋要咗兩個主菜同一個小食
小食方面呢一款係脆炸蠔菇，屬於菇類嘅其中一種，比起雞髀菇幼身少少，外皮炸得好香脆，但係咬落去仍然充滿水份，點埋沙律醬或者酸辣醬都一樣滋味
之後有pizza，我哋選擇左夏威夷薄餅，餡料有巴馬火腿、菠蘿蜜餞、水牛芝士同番茄醬等等，烤得非常香，每一啖都食到唔同既餡料，既食到蕃茄醬嘅酸味，又食到菠蘿蜜餞既甜味，酸酸甜甜，味道配合得啱啱好，真係有夏日嘅感覺
另一個主菜就係美國牛肉芝士漢堡配炸番薯條，原本淨係諗住漢堡裏面嘅配料只有牛肉同芝士，但係竟然仲有荷包蛋，而且仍然保持流心狀態，一切落去蛋汁就流落去下面嘅牛肉同麵包到，一啖咬落口會食到蛋汁同牛肉汁混合埋一齊，同芝士配合得好好，而且牛肉味好香濃，唔會太韌
至於炸番薯條，由於份量實在太多，所以我哋將食唔晒嘅部分打包拎返屋企夜晚繼續食，估唔到隔咗幾個鐘頭之後番薯條仍然保持香脆，唔會有油渣味，仲有好濃郁嘅番薯味添
Post
