Cocina 3 Tapas Restaurant & Bar (Closed)

入到去環境幾舒適，座位幾闊落有格調，都啱一大班朋友食飯開枝酒。2人套餐比較抵食，但咁啱都冇想食嘅野就單叫。一坐低就會有啲小食，有粟米片同麵包，粟米片可以任添，係重口味之選，送啤酒一流！🔶西班牙豬豚豬鞍扒 $288★★★★☆塊豬鞍扒都幾大塊，切落都幾多汁水，食落有豬味，略兼熟左少少，但都唔會超級乾身，個豬配埋烤蒜頭一流，即刻馬上昇華。佢仲會有啲配菜，超鍾意佢個黑松露薯蓉，本身以為係普通薯蓉，仲可以加啲落個粟米片到一齊食！🔶烤法國春雞 $228 ★★★★☆雖然春雞但都唔會太細隻，仲要幾多肉下，兩個人食啱啱好，好彩冇叫其他飯、麵，唔係真係會太過濟。隻春雞烤得剛剛好，外皮仲係好香脆，但入面好嫩滑多汁，即使雞胸位置都一啲唔鞋同茶，完全有驚喜！雞肉咸味剛好，唔點醬汁單食都可以。🌟總括：雖然價錢唔算便，但叫嘅呢兩樣主菜都有咁上下份量，味道中上，整體都幾好。