Video
Read full review
2022-10-27
256 views
2022年10月18日 星期二住左係大圍都有一段時間，但一直都無乜去過顯徑食嘢，今晚就趁BB交左俾屋企人照顧，同老婆黎到顯徑搵野食，竟然俾我哋發現到呢間餐廳餐廳既裝修風格好簡約，有一種舒服既感覺，坐位唔算多，枱與枱之間有足夠距離，仲有用隔板隔住添餐牌有提供一人同二人set dinner，而且款式都幾特別，最驚訝係有好多款咖啡選擇，最後我哋每人點左個set dinner，再加特色飲品一點完餐等左無幾耐，餐湯就黎到，係南瓜忌廉湯，個湯完全唔稀，啖啖都食到南瓜蓉，而且好幼滑，又夠晒熱辣辣之後有煙三文魚沙律，三文魚好新鮮，有煙燻嘅味道，而且同沙律嘅醬汁好夾，酸酸地等幾開胃，沙律菜都好爽口，仲有生果係裡面添跟住呢一杯係老婆要既牛油果乳酪奶昔，無諗過餐廳會將牛油果打蓉，同乳酪奶昔撈埋一齊，賣相仲要咁靚，用嚟打卡一流，而且每一啖都充滿牛油果香味，口感幼滑，強烈推薦至於我就要咗芒果青檸乳酸梳打，飲落去酸酸甜甜，充滿亞熱帶風情，好清新，而且夠晒冰凍到咗主菜一一出場，呢個係紅蝦龍蝦汁扁意粉配溫泉蛋，溫泉蛋另外放開，可以食落去嘅時候先加落去，菜式黎到嘅時候已經充滿龍蝦嘅香味，紅蝦好彈牙，煮得啱啱好，不過個人
住左係大圍都有一段時間，但一直都無乜去過顯徑食嘢，今晚就趁BB交左俾屋企人照顧，同老婆黎到顯徑搵野食，竟然俾我哋發現到呢間餐廳
餐廳既裝修風格好簡約，有一種舒服既感覺，坐位唔算多，枱與枱之間有足夠距離，仲有用隔板隔住添
餐牌有提供一人同二人set dinner，而且款式都幾特別，最驚訝係有好多款咖啡選擇，最後我哋每人點左個set dinner，再加特色飲品
一點完餐等左無幾耐，餐湯就黎到，係南瓜忌廉湯，個湯完全唔稀，啖啖都食到南瓜蓉，而且好幼滑，又夠晒熱辣辣
之後有煙三文魚沙律，三文魚好新鮮，有煙燻嘅味道，而且同沙律嘅醬汁好夾，酸酸地等幾開胃，沙律菜都好爽口，仲有生果係裡面添
跟住呢一杯係老婆要既牛油果乳酪奶昔，無諗過餐廳會將牛油果打蓉，同乳酪奶昔撈埋一齊，賣相仲要咁靚，用嚟打卡一流，而且每一啖都充滿牛油果香味，口感幼滑，強烈推薦
至於我就要咗芒果青檸乳酸梳打，飲落去酸酸甜甜，充滿亞熱帶風情，好清新，而且夠晒冰凍
到咗主菜一一出場，呢個係紅蝦龍蝦汁扁意粉配溫泉蛋，溫泉蛋另外放開，可以食落去嘅時候先加落去，菜式黎到嘅時候已經充滿龍蝦嘅香味，紅蝦好彈牙，煮得啱啱好，不過個人覺得最出色嘅係扁意粉，因為有咬口之餘又唔會太硬，感覺似係手工整嘅意粉
最後另一款主菜就係忌廉白酒汁鑽石蜆扁意粉，蜆肉每一粒都好大隻，食落去完全冇沙，仲好鮮甜，加埋芝士碎同香草一齊食味道更好
無諗過顯徑都有咁高質素既西餐食，下次再嚟食其他野！！
Post
