Sol House Oyster Bar and Restaurant

餐廳位於荃灣廣場附近，好容易就揾到。場內播放輕快音樂，光線柔和，增添浪漫感覺。店員主動介紹餐牌，服務殷勤。 澳洲藍青口配煙肉忌廉汁，蒜蓉包 $128藍青口算肥美，份量不少，大概十五、六隻，忌廉汁棉滑一啲都唔稀，伴隨香脆蒜蓉包，蒜蓉味超濃，蘸埋忌廉汁食一流。 碳燒原條龍脷柳魚配印尼巴東醬 $238龍脷柳魚大條原條奉上，魚肉厚身少刺，足夠二人分享，旁邊有烤過的檸檬，令味道更鮮美。另配上印尼巴東醬，味道少許微辣、薑絲，蘸少許令魚肉有另一番風味。 焗芝士蟹肉配海膽汁自家製意大利粉 $208賣相超吸引，蟹蓋舖滿芝士，入面釀滿蟹肉，望見就滿足，撈勻一啖甘食倍感幸福。意粉軟硬適中， 意粉掛滿海膽汁、蟹肉同菇菌，好味又唔漏，頗有水準。