MEMOIR (Closed)

Memoir係一間好有情調嘅西餐廳，老闆既作風亦好有意思😊 佢鼓勵大家放低電話，好好享受當下食飯嘅時刻🥂 而且仲喺餐枱以講故事嘅形式，敘述咗佢一段喺外國嘅小插曲，好有人情味！中秋節翌日追完月，趁住放假就去lunch 下😋 呢度嘅lunch set，星期一至日，連公眾假期都有👍🏻 包前菜、主菜、嘢飲，仲可以以優惠價追加小食🌮🌯🥟先上沙律及吉列牛肉薯餅，薯餅啱炸起，配上honey mustard 醬非常醒胃! 外層金黃酥脆，內裡香嫩多汁🐮 推薦! 辣根忌廉卡邦尼意大利粉配温泉蛋🍝🍳 帶小小辣而creamy 口感。搭配上溫泉蛋，蛋黃好新鮮，食落口感更豐富😋 芝士味超級濃郁，又有洋蔥中和番膩感。慢煮美國豬扒配薯蓉豬扒經過慢煮處理，切開好粉嫩，出面煎到都幾香口，而且裏面保留咗豬扒原汁原味。配上blend 得好滑嘅薯蓉，加埋黑醋汁非常夾香煎盲鰽魚柳配鮮蝦，蕃茄忌廉汁蕃茄忌廉汁係個靈魂😊，為成道菜增添咗一抹豐富的酸甜味道，反而啱啱好襯托到盲鰽嘅鮮味。擺盤好靚🫶🏻份量充足，一齊share plate 都冇問題野飲亦較特別，可以叫培茶🍵 整體黎講，性價比唔錯，可以靜靜地傾計🫶🏻