Craftsteak (Closed)

好耐無食牛扒，今次同朋友試呢間craft steak。環境坐落都幾舒服同幾高質既感覺。我叫左肋眼扒朋友就叫左另一款，我地叫左五成熟，一上菜覺得都有少驚喜因為舊肉都幾大舊，聞落去都好香。五成熟食落去啱啱好，唔會太軟唔會太硬。一開始無落汁，打算試左佢本身既肉味先，覺得唔落汁都已經好好味。食左半舊就試試下落埋佢個蘑菇汁，同個肉都幾夾但我都係始終中意唔落汁咁食多d。食完肉之後食左個甜品，味道有少少拖肥味但唔算好甜都幾特別，食完肉再食埋甜品好滿足。雖然craft steak以食扒黎講都唔平，但食物質素都幾好同埋坐得都舒服，偶爾豪一次都係值得的。