Souprb (Closed)

自從去過Al molo，就開始鍾情於用打碎咗嘅蘑菇做嘅濃厚蘑菇湯。Souprb就係專做呢類濃湯，等我試吓佢足唔足料先。Soup and stew set with cold pressed juice $88+$30咖哩雞雞件都幾嫩，配料幾足，香料味濃，有微辣，有印度咖哩嘅風範。蘑菇湯用Portobello 同 Chestnut 兩種蘑菇，好足料，味夠濃，顆粒無打到太碎，仲食到兩種蘑菇嘅咬口。配埋冷壓果汁Yellow Energizer，菠蘿味夠晒甜，加埋少少薑味又幾夾，其實成個Set都好夠飽滿吓。Souprb set with cold pressed juice $69+30個Salmon Toastie芝士同Salmon用量比例剛剛好，唔會俾芝士味搶晒。值得讚係個Prawn & Crab Gumbo，蝦同蟹味都好夠照，秋葵做底就夠晒美國南部風味，又鮮又濃。Purple Booster 紅菜頭同甘荀味用蘋果做中和，有心思，亦夠健康。