Video
Read full review
2018-12-14
2056 views
呢排迷上左樓上cafe, 發覺樓上cafe 既食物質素同地鋪餐廳原來係不相伯仲，以價錢而論，甚至乎會更平宜呢因為係朋友推薦加上餐廳位於旺角，逛完街就可以快d 醫下個肚，所以我就黎呢間「Urban cafe」啦甫進餐廳，哇！ 人頭濟濟，幾乎滿哂座！幸好我有預先book 定位最後，我地order 左二人套餐，有湯有沙律有主食仲有飲品，加埋都係$268 for 2 人，都幾抵食2份是日餐湯 南瓜忌廉湯，質地軟綿幼滑，味道濃中帶甜，稠度比一般忌廉湯較為高少少，因為入面有豐富既絲絲南瓜蓉，口感十足!2份是日沙律雖然係普通芝麻醬沙律菜，但我比較欣賞既係有足夠既芝士醬，岩哂我呢d 芝麻醬控食過好多餐廳既沙律菜，大多數都放得好少芝麻醬。主食1 - 夏威夷風情拉絲水牛芝士手工薄餅餡料有蕃茄醬，水牛芝士，煙肉，菠蘿，車厘茄亮點1: 用大量蕃茄蓉（留意：吾係普通蕃茄醬呀)做底，茄味更突出，亦更有口感，更開胃兩人一人兩塊都吾夠喉呀亮點2: 批既厚薄度介乎厚批同薄批之間，口感似曲奇，脆而香。另外，批底較乾身，吾會食到成口油亮點3: 勁足料水牛芝士整塊pizza 都鋪滿哂水牛芝士，啖啖都係芝士濃香，仲會拉絲添!
呢排迷上左樓上cafe, 發覺樓上cafe 既食物質素同地鋪餐廳原來係不相伯仲，以價錢而論，甚至乎會更平宜呢
因為係朋友推薦加上餐廳位於旺角，逛完街就可以快d 醫下個肚，所以我就黎呢間「Urban cafe」啦
甫進餐廳，哇！ 人頭濟濟，幾乎滿哂座！幸好我有預先book 定位
最後，我地order 左二人套餐，有湯有沙律有主食仲有飲品，加埋都係$268 for 2 人，都幾抵食
2份是日餐湯
南瓜忌廉湯，質地軟綿幼滑，味道濃中帶甜，稠度比一般忌廉湯較為高少少，因為入面有豐富既絲絲南瓜蓉，口感十足!
2份是日沙律
雖然係普通芝麻醬沙律菜，但我比較欣賞既係有足夠既芝士醬，岩哂我呢d 芝麻醬控食過好多餐廳既沙律菜，大多數都放得好少芝麻醬。
主食1 - 夏威夷風情拉絲水牛芝士手工薄餅
餡料有蕃茄醬，水牛芝士，煙肉，菠蘿，車厘茄
亮點1: 用大量蕃茄蓉（留意：吾係普通蕃茄醬呀)做底，茄味更突出，亦更有口感，更開胃兩人一人兩塊都吾夠喉呀
亮點2: 批既厚薄度介乎厚批同薄批之間，口感似曲奇，脆而香。另外，批底較乾身，吾會食到成口油
亮點3: 勁足料水牛芝士整塊pizza 都鋪滿哂水牛芝士，啖啖都係芝士濃香，仲會拉絲添!
主食2 - 雙重芝士肉醬意大利麵
大量肉醬鋪係意大利麵上，每條都掛到肉醬，加上雙重芝士，味道更濃郁又好juicy重點係，d 肉醬食吾出有肥豬肉
2杯飲品
洛神紅莓荔枝梳打 (+$4)
蜂蜜棟子茶 凍 (+$7)
以甜度黎講，岩岩好不會好甜但又不會覺得稀 最緊係個杯裝好靚呀！
+$28 滋味2人小食拼盤
一餐晚餐又點會少左小食呢套餐加$28就有小食拼盤， 平左$60呀（不過亦少左雞翼) 拼盤有法蘭克福腸，七彩爆谷雞塊同薯角。全部都係即叫即新，好熱辣辣好正特別提下七彩爆谷雞塊，肉質嫩滑又富有汁水，吾錯
Post
