越南會館

Open Now

Now Closed

星期六去德福廣場搵食，行過見到一間裝修得好骨子嘅越南餐廳。望吓餐牌，見到價錢唔貴，決定一試。叫咗一碗火車頭湯河。湯底非常唔錯，完全係我腦海中一碗好味越南生牛河應該有嘅湯底。份量超大，生牛肉質素非常好，牛筋牛腩牛脷夠腍，粒牛丸最有驚喜，非常有肉味而且Juicy。朋友叫咗法式牛柳粒配紅炒飯。牛柳粒質素唔錯，用黑椒炒，好惹味。炒飯方面有啲平平無奇。最後大驚喜係個甜品。估唔到會有Croffle食！嗌咗一個芒果加雪糕嘅Croffle，牛角包焗得非常香脆，牛油味超濃，配上雪糕同芒果，簡直係絕配！❤️❤️❤️埋單四百幾，唔算平。但係坐位舒適，環境優雅，食物質素高。大家行開德福廣場時，可以一試。