越南會館

Open Now

Now Closed

今日喺平日剛巧放假，嚟咗德福呢度食個下午茶。 是咁的，話說睇完場movie，想食少少嘢，而又唔想食得太飽，就不如食個下午茶。 睇過同層嘅其他餐廳之後，就揀咗入呢間。 唔係講其他餐廳差，而係呢間餐間嘅外觀同裏面都吸引到想入去。 Comfort ～入咗去坐低後，揀咗個下午茶係越式包包陪薯條。脆脆的包，咬了一細口，流出少少嘅肉汁。 Very nice ：）至於薯條方面，雖然唔能夠媲美大型鏈鎖店或者某些美式餐廳。 作為一間越式餐館，味道尚算合理。今次無嗌咖啡，或者下次可以飲埋杯越式滴漏咖啡。

今晚我地一家五口坐左係張大枱，叫左4人套餐，加左野飲，初初第一次叫個員工追野飲，佢話黎緊，出緊黎，但等左勁耐都未到，再問佢幾時到，佢勁唔耐煩話黎緊啦，見到佢名牌叫Jojo，佢黑曬口面，之後就走左去！我地都係想知杯野飲要等幾耐，一追再追，你地收加一服務費 ，咁既服務叫有服務 ？問句野都態度咁差？我地係食客，點解要受你氣？

精選二人晚餐脆蒜牛油果米紙卷及越式扎肉蒸粉包😍兩個人食份量剛剛好的一碟小食， 香脆炸蒜片加上香濃的 牛油果，口感非凡，值得一試。 粉皮扎肉及裏面不同的 蔬菜一起吃， 味道不錯。蝦醬炒通菜😋即叫即整新鮮熱辣，蝦醬不少加上炸蒜及炒蒜有不同層次，很好吃。西班牙安格斯生牛肉檬粉🥰牛肉嫩滑，如果多幾片牛肉會更好，牛骨湯底入口順滑 加上檬粉一起吃非常好。越式茄汁牛尾煲😊即叫即做，吃得出牛尾燉了很長時間，用料充足牛骨很入味 口感豐富。令人一吃再吃不想停手，如果附送蒜蓉包會更好，因為醬汁連蒜蓉包會更好吃。芒果糯米飯❤️糯米柔軟有咬口加上椰汁香濃 幼滑，芒果卻一半甜一半酸，但加一起吃算不錯。#小數怕長計 #慳家 #優惠 #著數 #小師奶 #美食

係九龍灣商場random pick到呢間見裝修都幾好，坐得舒適又唔駛等位，價錢晚市黎講都幾平，直晴午市餐牌價咁佢有一款combo set，可以選牛肉粉拼海南雞、或者牛肉粉拚燒雞扒撈檬，我地就兩款各叫一，額外加左份跟餐既蝦餅。牛肉粉都唔錯，佢既牛肉上黎既時候已經熟晒咁制，份量唔少，牛味幾濃，湯底都唔錯清清地。海南雞既雞都少少嫩，油飯不過不失，有淡淡既香味但唔濃郁烤雞扒有點燶，味道就係一般既急凍雞扒冇咩特別蝦餅係不再回購之列，蝦味好薄弱，亦不算很彈牙見其他食評過服務唔好，我好彩今晚黎接觸過既每個員工都服務幾好～

上星期六（8月10日）下午，我還未食完個午餐（生牛肉河粉及海南雞飯combo加一杯凍咖啡），已經感覺到肚子忍忍作痛，流冷汗，立即出去搵洗手間，返嚟同女經理講，佢話今日全日都冇食客投訢，話係我自己唔舒服，態度勁差。跟住埋單，問佢可唔可以用地鐵apps張電子優惠券，佢話可以，scan 完之後又話冇抄到個code，唔可以有優惠，要收返原價，但係張優惠券已經scan及用咗，我同佢講佢咁做係冇理由及唔合理，佢即時黑面，又話我有責任要俾返個code佢抄返，最後幸好有一位女員工幫忙喺我Apps度揾返個紀錄，先可以平息件事，真係唔知道這位女經理係點樣處事，完全唔係想解決問題😤😤😤

同同事去咗德福食午餐，佢話想食越南嘢，所以就去咗依間越南會館。依家越南會館走總檔路線， $100.1個午餐，不過佢環境舒服，呢個價錢可以接受。我哋一個喺個燒雞飯，一個係豬扒飯。兩個飯味道都相當唔錯，只係覺得有啲鹹同熱氣。不過食越南嘢都預咗係咁㗎啦。佢哋嘅份量都相當之大，我朋友就食唔晒，我就差啲都食唔晒。另外我哋仲嗌咗個小食，蟹都紫米卷。我覺得呢間越南嘢風味都幾正宗，份量大，味道又唔錯。我就嗌咗杯越南咖啡，不過佢一嚟到就已經過濾晒，冇得感受嗰種等佢慢慢滴出嚟嗰種氣氛，呢樣比較可惜。有機會我會再嚟呢間食午餐。

剛剛完了一個重要的面試。連午飯也冇時間食。知道德福廣場有唔少餐廳，就去搵搵看。上到扶手電梯就見到別樹一格的越南會館，店內裝修傾向古典及舒適寬躺，好適合靜靜享受下午茶。下午茶套餐預期也只是輕食的份量。減肥真係一流，對我以言份量控制剛剛有7分飽。茶飲是我比較鍾意，茶味濃，唔加青蘋果醬，也可以成為獨立的飲品-「清香冰茶」下午茶5點前為最後order。總算趕得切試到下午餐。餐具美美，環境美美，尋找me time 的空間。

環境裝修可以，就係咁俾佢呃咗入嚟。二人餐唔包嘢飲，食物味道一般，黃咖喱配超細蒜蓉包兩塊，啲肉同薯仔都唔係同咖喱一齊煮，食物溫度和和暖暖。價錢又唔係特別平，食味又唔係咁吸引。失望。

已不是第一次光顧。每次食物質素都唔錯。午餐$128包主食，兩個小食同一杯飲品，no complaints 啦。餐廳環境又靚，好有殖民地特色。係德福少有優質餐廳。值得推介！

星期六去德福廣場搵食，行過見到一間裝修得好骨子嘅越南餐廳。望吓餐牌，見到價錢唔貴，決定一試。叫咗一碗火車頭湯河。湯底非常唔錯，完全係我腦海中一碗好味越南生牛河應該有嘅湯底。份量超大，生牛肉質素非常好，牛筋牛腩牛脷夠腍，粒牛丸最有驚喜，非常有肉味而且Juicy。朋友叫咗法式牛柳粒配紅炒飯。牛柳粒質素唔錯，用黑椒炒，好惹味。炒飯方面有啲平平無奇。最後大驚喜係個甜品。估唔到會有Croffle食！嗌咗一個芒果加雪糕嘅Croffle，牛角包焗得非常香脆，牛油味超濃，配上雪糕同芒果，簡直係絕配！❤️❤️❤️埋單四百幾，唔算平。但係坐位舒適，環境優雅，食物質素高。大家行開德福廣場時，可以一試。

一行4人黎食pho餐牌題示有套餐我地叫左4個牛肉河粉餐廳上顯示牛肉河粉去到點餐時有一個選項是牛肉轉雞絲河但同時間小食有雞絲沙律朋友不小心按錯選項不為意一上菜時已發現出錯即時叫店員改番做牛肉河店員以按錯選項為由不肯更改我地比120 蚊仲要加一 成140蚊一個牛肉河比咁既價錢 要求改正牛肉河都唔肯再三要求店員更改都唔肯仲要一句說話都唔講就走左去一d 服務都冇 仲要比加一之後有個經理以廚房好忙為理由話可以改最後話要等耐啲一個牛肉河粉要成45分鐘先再上菜食哂成碗河粉d 小食同餐飲都未到另外 牛肉河粉 得4塊仲要超薄 湯底又冇味140蚊食d 咁既服務態度同質素真係唔會再黎！

看到德福廣場開了一間裝修不錯, 環境雅緻的越南餐廳, 座位也很寬鬆, 是一個聚會不錯的地方。食物方面就一般, 味精應該下得多, 吃完後很口喝。服務方面都不錯, 只是被一個彩色頭髮侍應多次無視直行直過。晚市二人套餐 $288兩款主菜、一款蔬菜、兩杯飲品♡ 香茅椒鹽豬扒配白飯豬扒炸得金黃, 上面撒了很多香蒜, 香茅味濃, 肉質也軟, 還配了一碗很大的白飯。只是吃時覺得很好吃, 但味精額濃。♡ 雞絲扎肉湯河湯底很濃郁, 雞絲有點乾, 但扎肉很好吃, 而河粉順滑, 吃到最後也沒有發脹。♡ 蒜蓉炒芥蘭苗份量都多, 火喉炒得剛剛好, 芥蘭很鮮甜。♡ 青蘋果冰茶、蜜桃冰茶兩款的茶底都是一樣, 只是加了不同味道的糖漿。

燒雞扒牛油果越式三文治配炸薯條🍟燒雞扒通常是嫩滑多汁的，經過烤熟或煮熟後，口感柔軟，並帶有烤肉的香氣和風味。牛油果的口感奶油且滑順，有著濃郁的脂肪質感。它的質地可以為三文治增添柔軟的口感。越南法式長棍麵包外皮香脆，內部鬆軟，帶有一定的嚼勁。它的烤熱表面可以增加麵包的脆度，同時保持內部的軟嫩口感，炸薯條的外層炸至金黃酥脆，內部則保持著濕潤的口感。這種食物的口感結合了外脆內軟的特點，提供了一種令人滿足的咀嚼體驗。香葉小虎蝦扎肉炒檬粉🦐香葉是一種具有濃郁香氣的葉子，它為小虎蝦帶來了一種獨特的草本風味。小虎蝦本身有著鮮甜的海鮮口感，並且通常是嫩滑多汁的，扎肉是一種將豬肉絲浸泡在醬汁中入味後炒熟的烹飪方法。這種處理方式使豬肉更加嫩滑多汁，並且帶有醬汁的風味。豬肉絲的口感柔軟，同時也有一定的嚼勁。檬粉是一種以檬檬為基礎製成的粉狀食材。它具有明顯的酸味和檬檬香氣，帶來清新的口感和風味。檬粉可以增添一種酸爽的感覺，與其他食材形成對比，使整道菜更加口感豐富。

是日平日，18:30 walk in 仍然有好多位選擇，環境氣氛幾靚，座位都算寬鬆。看看餐牌，就好快選擇了，精選晚市四人套餐。🔶蒜蓉炒芥蘭苗有驚喜，爽脆硬度適中，味道都好好味。🔶扎肉，煙雞絲，椰菜，木耳，凱撒沙律乾身左啲，扎肉同木耳唔多見。🔶小食拼盤： 🔹酥炸魷魚 惹味，加上沙律醬就加好味。 🔹脆蒜牛油果米紙卷 比較失望，餡料比較乾身。 🔹越式扎肉蒸粉包 外型好精緻，好靚，但感覺似腸粉。🔶黃咖喱牛三寶（牛筋、牛腩、牛脷）配法包牛三寶都好唔錯，可惜黃咖喱汁稀左啲，而且只配兩塊薄薄的法包，有點不可思議。🔶香茅豬扒撈檬豬扒大塊，撈檬醬汁ok, 檬粉量適中。🔶招牌西班牙黑安格斯生牛肉湯河牛肉唔韌，河粉少左啲，湯味道唔錯。🔶焗脆皮越南乳豬香茅炒飯乳豬絕對有驚喜，皮脆肉嫩，好好味，值得推介。炒飯偏濕，味道唔夠。套餐有個好處就是樣樣都食到，豐富的一餐。

喺九龍灣做完運動，就約媽咪食晚飯啦！🥰🥰上次食咗日本拉麵，今次媽咪話試下越南嘢，咁啱對面有間「越南會館」，裝修都幾雅緻。坐低叫咗個二人餐，老細就再加碗豬手扎肉河粉，同一個生菜包，三個人食就夠啦！！佢個二人餐包個頭盤，可以五選三，媽咪話唔想食煎炸嘢～我哋就叫晒兩樣唔煎炸，但係因為其他三樣都係炸嘅～鼻哥窿擔遮～點都要叫一樣～😅😅🤭估唔到越南餐廳嘅Caesar salad都唔錯喎～第二樣係越式米紙卷～第三樣係咋魷魚，不過粉漿就比較厚……🫣😓主菜都係食粉麵啦…叫咗一碗串燒雞肉豬頸肉撈檬，佢兩種肉類都整得好入味、好juicy～而且份量十足，所以基本上另一個炒粉絲都冇乜點食😅😅當然係打包做聽日午餐啦！！老細嘅豬手扎肉河都幾好味～豬手好淋好入味～湯底都幾清甜！個生菜包令我印象最深刻😁😁🥰因為佢有別於一般泰式生菜包，而係跟埋薄荷葉、米粉、同埋一個好似海鮮醬嘅醬汁，個味道幾特別！飲品都唔同平時飲開嘅…我叫咗杯薄荷青檸茶，原來一啲都唔甜㗎😅😅不過有啲薄荷味，夏天飲都幾清新！