丼造

Open Now

Now Closed

今日要去上環做野，做完野就同個同事食lunch，同事就介紹去呢間叫丼造既小店，話專做刺身丼飯，仲大讚啲刺身好新鮮，於是就去試下。去到見到原來除左刺身丼飯之外，仲有和食丼，串燒燒物炸物等等，估唔到小店地方細細都可以有咁多款式。因為天氣有點涼，所以我最後決定了咖喱雞飯，等左大約15分鐘個飯就出黎啦，香噴噴的咖喱香燒雞香噗鼻而黎，店員仲解釋話即叫即燒，所以熱辣辣，個雞皮仲非常脆添，跟住我即刻試食啦，真係無講錯，雞皮脆，肉質嫩滑有汁，個咖喱汁蔬菜味濃，飯量同雞扒份量都好多，食完非常滿足飽肚。下一次一定會再來，食得很愉快。