越男仔 (Closed)

招牌海南雞飯一開頭鋪頭已經推介海南雞飯，點知叫咗食落有驚喜。佢個雞油飯好香，亦都好大碗，份量十足。其後雞嚟講，應該好彩有雞髀食，雞就都滑既，加上蔥油同埋有炸蒜，令到啲雞更加好味。整體嚟講對得起呢個價錢有餘！撈牛肉檬粉成個檬粉都有好足配料，啲牛肉汁令到啲牛肉好入味。檬粉嚟講都唔錯既，配埋新鮮洋蔥同菜絲，令到成個粉更加有新鮮感同爽口感覺。椰子酸菜湯呢個湯都係舖頭推介，原先覺得好似唔係好夾，不過我叫咗飲咗兩啖之後，發現完全兩回事。成個湯椰子味好重，亦都酸酸地，好開胃。之後搞到我本身飽飽地都食多咗好多，呢個湯真係抵讚！環境環境嚟講呢間舖開係大會堂附近，不過要行少少先到荃灣同荃灣西站。以街舖嚟講佢已經唔錯。亦都有面牆，掛咗唔同車嘅相俾大家打下卡咁。佢亦都唔知有一間分店，除咗呢間，大家都可以試吓第二間。