喜客比薩 (Closed)

見呢度食評都唔錯，就來試下啦！兩個女仔叫左一個二人餐（七月時，唔知宜家仲有冇），都幾多野食，最後要打包返去添！套餐包括餐湯，螺絲粉，炸雞，雙拼PIZZA 。餐湯係一般忌廉湯，鹹左少少。個大蝦螺絲粉就比較淡，唔知係俾冷氣風吹凍左定煮唔透，啲粉有啲硬哩！炸雞又係硬，而且顏色好深，好似炸燶左咁，但味道係唔錯既。全餐最好應該係個PIZZA，薄批唔會好漏，幾新鮮，茄汁濃度亦恰到好處，雙拼既話仲有兩款口味，可以一次過滿足晒！餐飲可以叫特飲，我叫左百香果，夠大杯，抵飲！呢度既座位間隔都幾密，著重私隱既人就唔多岩喇。至於服務就麻麻喇，叫極都唔應咁既，有時仲係度聚眾玩添！