友好嘢食 (Closed)

週末成日嚟葵廣掃街, 今日又出動啦。以前葵果冇咁多嘢食, 宜家pop世界見到樓下一兩層啲食街做得起, 佢又轉型由賣衫變成買小食, 不過好明顯呢條top世界就畀下面兩三條嘅小食街來得少人。 入到去見到呢間友好嘢食, 佢係主要食咖喱, 對面間日式小食店都算幾多人排隊, 但係呢間㗎就好似唔算好多人食咁。我男朋友鍾意食咖哩, 就買一個最普通嘅咖哩拼盤試下。 首先佢係一個泰式青咖哩配豬頸肉, 再拼個薄餅仔, 點知呢個咖哩小拼盤仔真係另人一食上癮。咖哩個辣度好適中, 而且佢咖哩煮得真係好香。佢個薄餅應該係即叫即整。好新鮮熱辣辣。超好味。而且個豬頸肉都處理得好好, 而且有好多嚿。 因為咖哩算係比較濃味嘅嘢佢另外再配咗個少少嘅蘋果清香嘅粒粒, 畀你解辣甜甜地酸酸地。25蚊真係超級抵食, 佢比起好多間小食店都算出色, 就算我本身唔係好鍾意食咖哩, 都食過返尋味。