Video
Read full review
2020-09-23
638 views
不嬲都話甜品係放第二個胃，所以食完午餐無幾耐我哋又食甜品喇🤣。我從來無食過「滿記甜品」，呢日終於開齋，皆因佢個麻糬我好想食，二嚟樓面個阿姨幾熱情招待。舖頭環境半開放式，高枱同矮枱都有。如果坐滿人會好逼，但而家下午茶時段直頭係我哋包場咁濟😜。原來佢嘅甜品唔算貴喎，大部份都係$40樓下有交易👍。揀好食乜，再自己走去收銀處落單畀錢，不過甜品就由店員送上😊。我哋叫咗兩份甜品都唔駛$80，抵喎，又可以歇下腳🦶。酒釀宮廷奶酪($35)，奉送糖不甩兩粒。呢個齋講個擺盤已經好正啦😍。餐廳用個圓形托盤放啲甜品，感覺有啲和風。同時，奶酪同匙羹都係金色系，唔通配合番「宮廷」二詞？酒釀奶酪味道超濃烈，又夠冰凍，勁正😋。奶酪食落嘅口感同眼見嘅形象一樣咁滑，質感唔會太水，能夠留在口腔中一陣子。呢個甜品叫「奶酪」，而唔係叫「奶凍」，佢嘅命名十分正確✅，因為甜品帶有一份乳酪雪糕Fro-yo嘅微酸滋味。再者，我亦估唔到奶酪嘅酒味咁出，絕不欺場！糖不甩🍡係送嘅，價值唔高，但就能夠令客人覺得成個感覺圓滿好多。$35一碗奶酪，價錢正常，但加配多兩粒就變得抵！糖不甩口感煙韌，並無內餡，主要靠出面嘅黑糖漿同芝麻花生碎粒🥜帶出味道
不嬲都話甜品係放第二個胃，所以食完午餐無幾耐我哋又食甜品喇🤣。我從來無食過「滿記甜品」，呢日終於開齋，皆因佢個麻糬我好想食，二嚟樓面個阿姨幾熱情招待。
舖頭環境半開放式，高枱同矮枱都有。如果坐滿人會好逼，但而家下午茶時段直頭係我哋包場咁濟😜。
原來佢嘅甜品唔算貴喎，大部份都係$40樓下有交易👍。
揀好食乜，再自己走去收銀處落單畀錢，不過甜品就由店員送上😊。
我哋叫咗兩份甜品都唔駛$80，抵喎，又可以歇下腳🦶。
酒釀宮廷奶酪
$35
33 views
0 likes
0 comments
酒釀宮廷奶酪
$35
39 views
0 likes
0 comments
糖不甩
18 views
0 likes
0 comments
鮮奶麻糬
$40
152 views
0 likes
0 comments
餐廳仲喺枱面張貼咗鮮奶麻糬嘅「建議食法」，圖文並茂。其實步驟一同二喺到達我哋面前已經完成咗，哈哈😆。
鮮奶麻糬有得揀原味(即花生芝麻粉)或者Oreo味，價錢一樣。我見前者同糖不甩啲碎係差唔多，加上我唔太鍾意食，所以要咗後者。但應該前者會較為適合同搭調，還原度高啲😅。
撈嘅過程係幾好玩嘅，如果係小朋友應該好開心。麻糬嘅口感比糯米糍軟糯，無咁纏人加飽滯，但Q彈煙靭度就相對較低。🥛麻糬奶味唔算重，不過亦唔會過甜。試玩一流，但我下次未必會再嗌。
堂食加埋杯茶🍵都唔錯，玄米茶幾清香，可以濕下個口同清清味蕾。嗌埋杯茶，影相都靚啲。
總括嚟講，我一向對滿記甜品嘅印象麻麻(可能聽人講得多)，但親身試過後又覺得幾好喎！價廉物美，簡簡單單想食個甜品，佢會係一個好選擇😚。
Post
